U Biełarusi vykanany jašče adzin śmiarotny prysud. Pavodle danych pravaabaroncaŭ, rasstralany žychar Lidskaha rajona Hrodzienskaj vobłaści Ivan Kuleš.
Jak paviedamiŭ kaardynatar kampanii «Pravaabaroncy suprać śmiarotnaha pakarańnia ŭ Biełarusi» Andrej Pałuda, ab pryviadzieńni prysudu ŭ vykanańnie jamu stała viadoma ad svajakoŭ asudžanaha da vyšejšaj miery. Mierkavanaja data pryviadzieńnia prysudu — 5 listapada. Dakładnaja data budzie viadomaja paśla atrymańnia svajakami paśviedčańnia ab śmierci.
20 listapada Hrodzienski abłasny sud prysudziŭ 28-hadovaha Ivana Kuleša da pakarańnia śmierciu za zabojstva troch žančyn, kradziež i razboj. Pa viersii śledstva, u vieraśni 2013 hoda Kuleš zabiŭ dvuch pradaŭcoŭ u Lidzie i skraŭ z kramy hrošy i tavary bolš čym na 37 młn. rubloŭ. U listapadzie 2014 hoda zabiŭ jašče adnaho pradaŭca ŭ Lidskim rajonie — nanios žančynie bolš za 10 udaraŭ siakieraj i skraŭ z kramy hrošy i tavary. Akramia taho, Kuleš pryznany vinavatym u zamachu na zabojstva syna pradaŭščycy, jaki zastaŭ jaho ŭ kramie. 29 sakavika sudovaja kalehija pa kryminalnych spravach Viarchoŭnaha suda Biełarusi pakinuła prysud bieź źmianieńniaŭ.
Jak adznačyŭ Andrej Pałuda, sam Kuleš nie sprabavaŭ abskardzić prysud u Viarchoŭnym sudździe, skarhu padavaŭ jaho advakat. Asudžany taksama nie staŭ padavać prašeńnie ab pamiłavańni na imia prezidenta i nakiroŭvać skarhu ŭ Kamitet pa pravach čałavieka AAN. Pa słovach pravaabaroncy, apošni raz svajaki bačyli Kuleša ŭ vieraśni 2016 hoda. Listy jon pisaŭ redka, znachodziŭsia ŭ depresiŭnym stanie.
Heta ŭžo druhi śmiarotny prysud u Biełarusi, pryviedzieny ŭ vykanańnie ŭ 2016 hodzie. U mai stała viadoma pra pakarańnie śmierciu žychara Rečycy Siarhieja Ivanova, jaki byŭ pryznany vinavatym u žorstkim zabojstvie znajomaj dziaŭčyny.
Biełaruś zastajecca adzinaj jeŭrapiejskaj krainaj, dzie prymianiajuć śmiarotnaje pakarańnie. Mienavita z hetaj pryčyny jana nie ŭvachodzić u Radu Jeŭropy — u 1993 hodzie biełaruski parłamient atrymaŭ status śpiecyjalnaha zaprošanaha ŭ Parłamienckaj asamblei Rady Jeŭropy, ale ŭ 1996-m byŭ pazbaŭleny jaho paśla refierendumu, jaki zachavaŭ śmiarotnaje pakarańnie. Kožny śmiarotny prysud u Biełarusi tradycyjna asudžajecca instytutami Rady Jeŭropy.
Pavodle infarmacyi pravaabaroncaŭ, za apošnija 20 hadoŭ u Biełarusi pakarana bolš za 400 čałaviek. Tolki adzin z asudžanych da śmiarotnaha pakarańnia za hety čas byŭ pamiłavany Alaksandram Łukašenkam. Na siońnia ŭ «kalidory śmierci» ŭ čakańni vykanańnia prysudu znachodziacca troje: Hienadź Jakavicki (pryznany vinavatym u žorstkim zabojstvie sužycielki), Siarhiej Chmialeŭski (pryznany vinavatym u zabojstvie troch susiedziaŭ), a taksama Siarhiej Vostrykaŭ (pryznany vinavatym u žorstkim zabojstvie dźviuch žančyn, zhvałtavańni i vykradańni).
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary