Nahadajem, 17-hadovaja bieraściejka straciła 1,5 litra kryvi padčas padpolnaj płastyčnaj apieracyi na pałavych orhanach. Jak stała viadoma Intex-press, u dačynieńni da jaje «chirurha» jašče rasśledujecca kryminalnaja sprava ab vyrabie i raspaŭsiudzie parnahrafii.
U vieraśni ŭ adnym z tatu-sałonaŭ Bresta 24-hadovy žychar Baranavič, viadomy pad psieŭdanimam Leŭ Tałstoj, nie majučy miedycynskaj adukacyi, zrabiŭ łabijapłastyku (źmianieńnie formy i pamieru małych pałavych hub) 17-hadovaj bieraściejcy.
Paśla apieracyi praź vialikuju stratu kryvi dziaŭčyna trapiła ŭ reanimacyju.
Supracoŭniki pravaachoŭnych orhanaŭ praviali pravierku i ŭ zaviadzieńni kryminalnaj spravy admovili, — paviedamili Intex-press u pres-słužbie UUS Bresckaha abłvykankama.
Adnak Baranavicki mižrajonny adździeł SK RB raspačaŭ u dačynieńni da Lva kryminalnuju spravu za vyrab i raspaŭsiudžvańnie parnahrafičnych materyjałaŭ abo pradmietaŭ parnahrafičnaha charaktaru (č. 2 art. 343 KK RB).
Pa dadzienych śledstva, na jaho staroncy ŭ sacyjalnaj sietcy byli vyjaŭlenyja niekalki fotazdymkaŭ intymnaha pirsinhu i videa, na jakim padviešanyja na krukach chłopiec i dziaŭčyna zajmalisia seksam.
Pakarańnie praduhledžvaje pazbaŭleńnie voli na termin ad dvuch da čatyroch hadoŭ.
Adnak Leŭ Tałstoj ličyć, što milicyjanty praduziata staviacca da jaho, pakolki nie zmahli «zakryć» jaho za apieracyju.
— Samaje prostaje — heta raspaŭsiud parnahrafii. Ciapier u kožnaha druhoha možna znajści jakuju-niebudź zachavanuju fatahrafiju ŭ sacsietkach. Voś i ŭ mianie znajšli niekalki fotazdymkaŭ intymnaha pirsinhu i videa, na jakim padviešanyja na krukach chłopiec i dziaŭčyna (što mianie i zacikaviła) zajmalisia seksam. Hetaha akazałasia dastatkova, — raspavioŭ Leŭ.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary