Upraŭleńnie Śledčaha kamiteta pa Minskaj vobłaści vyśviatlaje abstaviny zdareńnia pry vykanańni budaŭničych rabot na AAT «Biełaruśkalij», u vyniku jakoha zahinuŭ adzin čałaviek, jašče troje atrymali traŭmy.
Jak paviedamiŭ načalnik adździeła infarmacyi i suviaziaŭ z hramadskaściu SK Biełarusi Siarhiej Kabakovič, infarmacyja pra zdareńnie ŭ Salihorsku pastupiła ranicaj 26 kastryčnika.
Śledčaja hrupa vyjaviła, što šaściora mužčyn, rabotniki padradnaj arhanizacyi, znachodziačysia ŭ budaŭničaj lulcy pry ŭzdymie da miesca vykanańnia dachavych rabot na adnym z pramysłovych składoŭ na terytoryi «Biełaruśkalija», upali z vyšyni. U vyniku na miescy ad atrymanych traŭmaŭ adzin rabotnik zahinuŭ, troje paciarpiełych byli špitalizavanyja.
Hruntujučysia na vynikach pieršapačatkovych śledčych dziejańniaŭ i ahladu miesca zdareńnia, apytańniach vidavočcaŭ, Salihorski adździeł SK raspačaŭ kryminalnuju spravu pa fakcie parušeńnia praviłaŭ biaśpieki budaŭničych rabot, što paciahnuła pa nieaściarožnaści śmierć čałavieka (č. 2 art. 303 KK). Pavodle papiarednich źviestak, pryčynaj padzieńnia lulki staŭ abryŭ trosa.
Ciapier pravodzicca ahlad miesca zdareńnia, uziaćcie słužbovaj i techničnaj dakumientacyi ab budaŭničym pracesie, abstalavańni, što vykarystoŭvałasia na abjekcie, praviadzieńni instruktažu pa technicy biaśpieki.
Nahadajem, na «Biełaruśkalii» 12 lipienia pry praviadzieńni buravych rabot zahinuŭ 53-hadovy rabočy. Prykładna za miesiac da hetaha na adnoj z pramysłovych placovak 2-ha rudaŭpraŭleńnia pry vykanańni budaŭničych rabot pa mantažy mietaličnaj kanstrukcyi ŭ vyniku jaje padzieńnia byŭ śmiarotna traŭmavany 27-hadovy rabočy.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty23
Kamientary