Упраўленне Следчага камітэта па Мінскай вобласці высвятляе абставіны здарэння пры выкананні будаўнічых работ на ААТ «Беларуськалій», у выніку якога загінуў адзін чалавек, яшчэ трое атрымалі траўмы.
Як паведаміў начальнік аддзела інфармацыі і сувязяў з грамадскасцю СК Беларусі Сяргей Кабаковіч, інфармацыя пра здарэнне ў Салігорску паступіла раніцай 26 кастрычніка.
Следчая група выявіла, што шасцёра мужчын, работнікі падраднай арганізацыі, знаходзячыся ў будаўнічай люльцы пры ўздыме да месца выканання дахавых работ на адным з прамысловых складоў на тэрыторыі «Беларуськалія», упалі з вышыні. У выніку на месцы ад атрыманых траўмаў адзін работнік загінуў, трое пацярпелых былі шпіталізаваныя.
Грунтуючыся на выніках першапачатковых следчых дзеянняў і агляду месца здарэння, апытаннях відавочцаў, Салігорскі аддзел СК распачаў крымінальную справу па факце парушэння правілаў бяспекі будаўнічых работ, што пацягнула па неасцярожнасці смерць чалавека (ч. 2 арт. 303 КК). Паводле папярэдніх звестак, прычынай падзення люлькі стаў абрыў троса.
Цяпер праводзіцца агляд месца здарэння, узяцце службовай і тэхнічнай дакументацыі аб будаўнічым працэсе, абсталяванні, што выкарыстоўвалася на аб'екце, правядзенні інструктажу па тэхніцы бяспекі.
Нагадаем, на «Беларуськаліі» 12 ліпеня пры правядзенні буравых работ загінуў 53-гадовы рабочы. Прыкладна за месяц да гэтага на адной з прамысловых пляцовак 2-га рудаўпраўлення пры выкананні будаўнічых работ па мантажы металічнай канструкцыі ў выніку яе падзення быў смяротна траўмаваны 27-гадовы рабочы.
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»37
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары