U Amierycy šok paśla publikacyi videa z Trampam, jaki kaža pra žančyn: «Chapaj ich za p…»
Kandydat u prezidenty ZŠA ad Respublikanskaj partyi Donald Tramp zajaviŭ, što, niahledziačy na skandał vakoł jaho, jon ni ŭ jakim razie nie zdymiecca z prezidenckaj honki.
Tramp apynuŭsia ŭ centry hučnaha skandału paśla apublikavańnia videazapisu, na jakim jon dapuskaje nadzvyčaj vulharnyja i abraźlivyja ŭ dačynieńni da žančyn vykazvańni.
Videazapis, na jakim Tramp, u pryvatnaści, vychvalajecca tym, jak jon «zaciskaŭ» žančyn, całavaŭ ich i chapaŭ za intymnyja miescy, źjaviŭsia ŭ piatnicu. «Chapaj ich za p…, tabie ŭsio možna. Kali ty zorka, tabie ŭsio dazvolena», — kaža jon na videa.
Hety skandał, jak ličać niekatoryja amierykanskija palitołahi, źniščaje šancy Trampa na pieramohu na vybarach.
Tym nie mienš, Tramp zajaviŭ pa telefonie haziecie Wall Street Journal, što jon całkam nie maje namieru zdymacca z vybaraŭ i navat atrymaŭ «niejmaviernuju padtrymku» svaich prychilnikaŭ.
Paśla taho jak niekatoryja siabry kanhresa ad Respublikanskaj partyi zaklikali jaho źniać svaju kandydaturu, Tramp zajaviŭ haziecie Washington Post: «Ja nikoli nie zdymajusia. Ja nikoli ŭ svaim žyćci nie adstupaŭ».
«Niesumnienna, heta byli cikavyja 24 hadziny!» — napisaŭ Tramp ŭ subotu ŭ tvitary.
Viadučyja respublikancy asudzili słovy Trampa, zafiksavanyja na videa.
Śpikier pałaty pradstaŭnikoŭ Poł Rajan adklikaŭ raniej nakiravanaje Trampu zaprašeńnie na štohadovy vosieński fiestyval respublikancaŭ u jaho rodnym štacie Viskonsin.
Trampa asudziŭ jaho ŭłasny kandydat u vice-prezidenty, jahonaja žonka Miełanija, a šerah lidaraŭ Respublikanskaj partyi zaklikali jaho źniacca z honki.
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ80
Kamientary