20 žniŭnia ŭ race Asipoŭka kala vioski Małyja Darapiejevičy Małaryckaha rajonu znajšli cieła žychara Bresta z ahniastrelnymi ranieńniami hałavy i šyi. Mužčynu zastrelili z zarehistravanaj palaŭničaj strelby 12-ha kalibra, paviedamili ŭ MUS Biełarusi.
U momant zdareńnia paciarpieły łaviŭ rybu z vykarystańniem sietak razam sa svajakami. Pa słovach blizkich, jany spałochalisia hukaŭ aŭtamabilaŭ, jakija prajazdžali pobač, i schavalisia za uzvyššam. Mierkavali, što heta inśpiektary pryrodaachovy, a mužčyna zastaŭsia ŭ vadzie, raspaviali ŭ Śledčym kamitecie.
Kiroŭca adnaho z aŭtamabilaŭ zrabiŭ streł u kirunku paciarpiełaha. Paśla hetaha jon padyšoŭ da bieraha i ŭbačyŭ, što ŭ vyniku jaho stralby zahinuŭ mužčyna, zatym schavaŭsia ź miesca zdareńnia.
Pa dadzienym fakcie Małaryckaha rajonnaha adździeła Śledčaha kamiteta Respubliki Biełaruś uzbudžanaja kryminalnaja sprava pa č.1 art.139 (Zabojstva) Kryminalnaha kodeksa.
Padazrony byŭ zatrymany supracoŭnikami orhanaŭ unutranych spraŭ u Breście toj ža nočču. Im źjaŭlajecca 43-hadovy žychar abłasnoha centra. Padčas ahladu ŭ jaho kanfiskavanaja palaŭničaja strelba «Sabaci». Pa słovach padślednaha, jon dumaŭ, što stralaŭ u babra. Mužčyna ŭ toj dzień mieŭ dazvoł na zdabyču vadapłaŭnych ptušak.
Zahinuły naradziŭsia ŭ vioscy Darapiejevičy Małaryckaha rajona, žyŭ u Breście.
Padazravany i paciarpieły raniej nie sudzimyja.
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»9
Kamientary