Amierykanski płyviec Entani Ervin pieramoh u finalnym zapłyvie na dystancyi 50 mietraŭ volnym stylem z vynikam 21,40 siekundy.
Svoj čarhovy załaty miedal Ervin zavajavaŭ va ŭzroście 35 hadoŭ 79 dzion, što robić jaho samym starejšym alimpijskim čempijonam u płavalnych vidach sportu.
Druhim na finiš pryjšoŭ dziejučy čempijon śvietu na hetaj dystancyi francuz Fłaran Manadu, jaki adstaŭ ad Ervina tolki na adnu sotuju siekundy.
Bronzavy miedal dastaŭsia jašče adnamu płyŭcu z ZŠA Natanu Edryjanu.
Dla Entani Ervina heta ŭžo druhoje zołata na hulniach u Rya — u składzie zbornaj ZŠA jon staŭ pieramožcam u estafiecie 4ch100 mietraŭ volnym stylem.
Da hetaha Ervin taksama adzin raz stanaviŭsia załatym pryzioram Alimpijady — 16 hadoŭ tamu na hulniach u Sidniei.
Nieŭzabavie paśla toj pieramohi jon syšoŭ ź vialikaha sportu, hraŭ u rok-hrupie, mieŭ prablemy z narkotykami i navat sprabavaŭ skončyć žyćcio samahubstvam.
Da płavańnia Entani Ervin viarnuŭsia tolki ŭ 2011 hodzie i ŭdzielničaŭ u Alimpijskich hulniach u Łondanie ŭ 2012 hodzie, ale tady zastaŭsia bieź miedaloŭ.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary73
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć2828
Kamientary