Minčuki prapanujuć za hrošy nałavić pakiemonaŭ, a taksama voziać na mašynach, kab źbirać pakiemonaŭ pa ŭsim horadzie
Zvyšpapularnaja hulnia Pokemon Go sparadžaje novyja pasłuhi, pra jakija raniej nichto nie čuŭ. Kali hlanuć na došku pryvatnych abviestak sajta onliner.by, to tam hulcy ŭ pakiemonaŭ mohuć adšukać šmat cikavaha dla siabie.
Jość prynamsi dźvie abviestki, dzie ludzi prapanujuć svaje pasłuhi pa łoŭli pakiemonaŭ. Za 5 rubloŭ klijentam prapanujecca «nahulać» telefon na 10-12 kiłamietraŭ. «Praz paŭtary-dźvie hadziny viarnu telefon, poŭny pakiemonaŭ», — havorycca ŭ abviestcy.
Pakiemonaŭ prapanujuć łavić kala vadaschovišča Drazdy. Kamientatary, praŭda, da takoj inicyjatyvy nastrojenyja nie duža vietliva. «Sam ty pakiemon, idzi padpracoŭku znajdzi, pradprymalnik», — pišuć jamu.
Za «prakačku» na novyja ŭzroŭni pakiemonaŭ prapanujuć nastupny ceńnik: 1 hadzina – 5 rubloŭ, 2 hadziny – 9 rubloŭ, sutki – 20.
Inšyja robiać jašče chitrej: pradajuć užo «prakačanyja» akaŭnty ŭ hulni. Akaŭnt 17 uzroŭniu pradajecca za 30 rubloŭ, ale mahčymy torh. Ale takija samyja prapanovy jość i pa 50 rubloŭ. Za 20 «łeveł» prosiać cełych 100 rubloŭ.
Samaja, mabyć, niezvyčajnaja prapanova – heta łoŭla pakiemonaŭ na mašynie.
«Vadžu aŭtamabil dla zboru pakiemonaŭ i nie tolki. Hadzina – 20 rubloŭ, kali try čałavieki – to pa 7 rubloŭ z kožnaha». Takoje voś safary.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary