Ministerstva zamiežnych spraŭ Kałumbii paviedamiła, što, prynamsi, 35 tysiač žycharoŭ Vieniesueły pierasiekli miažu pamiž krainami padčas časovaha jaje adkryćcia 16 lipienia na pierachodzie ŭ rajonie horada Kukuta.
U Kałumbii vieniesuelcy nabyvajuć ježu, leki i pradmiety pieršaj nieabchodnaści.
Raniej mierkavałasia, što miažu adkryjuć ŭ niadzielu, ale kab paźbiehnuć vialikaj kolkaści ludziej heta było vyrašana zrabić i ŭ subotu, pieradaje «Bi-bi-si».
Pa źviestkach viedamstva, na minułym tydni za 12 hadzin u Kałumbii taksama pabyvali kala 35 tysiač vienieseulcaŭ.
Da zakryćcia miažy Vieniesueły i Kałumbii jaje pierasiakali štodnia bolš za 100 tysiač čałaviek. U žniŭni 2015 hoda prezident Vieniesueły Nikałas Madura zahadaŭ zakryć miažu, kab spynić kantrabandu z krainy tavaraŭ, jakija pradavalisia pa zanižanych cenach.
Miaža była adkryta na 12 hadzin paśla taho, jak kala 500 žančyn ź vieniesuelskaha štata Tačyra prarvalisia praź miažu, kab kupić u kałumbijskim horadzie Kukuta ježu i tavary pieršaj nieabchodnaści.
Vieniesueła ŭ apošnija hady sutyknułasia z vostrym ekanamičnym kryzisam, jaki ŭskładniajecca z pryčyny padzieńnia suśvietnych cenaŭ na naftu. U šerahu rehijonaŭ krainy žychary adčuvajuć niedachop charčavańnia i tavaraŭ pieršaj nieabchodnaści. U Vieniesuele abvieščana nadzvyčajnaje ekanamičnaje stanovišča.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary