Prezident Ukrainy Piatro Parašenka nadaŭ śpiavačcy Džamale, jakaja pieramahła na Jeŭrabačańni-2016, zvańnie narodnaj artystki Ukrainy.
Pra heta paviedamiŭ pres-sakratar kiraŭnika dziaržavy Śviatasłaŭ Cahołka.
Akramia taho, prezident daručyŭ Ministerstvu zamiežnych spraŭ padniać pytańnie ab nadańni Susańnie Džamaładzinavaj (Džamale) hanarovaha zvańnia Pasła dobraj voli JUNISIEF.
«Heta fantastyčnaja pieramoha. Ty zrabiła ščaślivymi vielizarnuju kolkaść ludziej», — skazaŭ Parašenka, uručajučy artystcy hanarovuju ŭznaharodu padčas sustrečy.
Jon adznačyŭ, što jaje pieramoha ŭ ciapierašni čas maje nadzvyčajnaje značeńnie jak dla ŭkrainskaha naroda ŭ cełym, tak i dla krymskich tataraŭ u pryvatnaści. Bo ciapier pra trahičnuju historyju krymskatatarskaha naroda 72-hadovaj daŭniny i anieksiju Kryma siońnia, pra padziei va Ukrainie viedajuć i havorać nie tolki dypłamaty, ale i zvyčajnyja ludzi.
Pavodle pierakanańnia Parašenki, usio heta budzie spryjać bolš chutkamu viartańniu ŭkrainskaha suvierenitetu na paŭvostraŭ.
«Mahu skazać, što ty zrabiła vialiki ŭkład u toje, kab ciapier pytańnie Kryma było znoŭ na pieršych staronkach», — padkreśliŭ Parašenka, źviartajučysia da śpiavački.
Prezident taksama paviedamiŭ, što razam z žonkaj i siamjoj hladzieŭ tranślacyju finału i zaŭzieŭ za Džamału.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary