Mižnarodnaja śpiecyjalizavanaja vystava «ŚMI ŭ Biełarusi» pačnie rabotu 11 maja
XX Mižnarodnaja śpiecyjalizavanaja vystava «SMI ŭ Biełarusi» pačnie svaju rabotu 11 maja ŭ Minsku, paviedamili ŭ Ministerstvie infarmacyi.
U jubilejnaj vystavie «ŚMI ŭ Biełarusi», jakaja projdzie ŭpieršyniu ŭ vystavačnym paviljonie pa praśpiekcie Pieramožcaŭ, 14, voźmuć udzieł nacyjanalnyja telekanały, infarmacyjnyja ahienctvy, viadučyja dziaržaŭnyja respublikanskija masava-palityčnyja vydańni, rehijanalnyja ŚMI, halinovyja vydańni, adukacyjnyja i dziciačyja vydańni, litaraturna-mastackija i kulturałahičnyja vydańni, FM-stancyi, dypłamatyčnyja pradstaŭnictvy ŭ Biełarusi, pradstaŭniki ŚMI rehijonaŭ Rasijskaj Fiederacyi, t.zv. Sajuznaj dziaržavy, krain SND, Kitaja, Vieniesueły, Kuby, inšych krain, a taksama niedziaržaŭnyja ŚMI.
XX Mižnarodnaja śpiecyjalizavanaja vystava «SMI ŭ Biełarusi», jakaja projdzie pa 14 maja, prademanstruje historyju raźvićcia ŚMI ŭ Biełarusi na prykładach najstarejšych biełaruskich vydańniaŭ, a taksama pradstavić novyja kamunikacyjnyja technałohii, šlachi raspaŭsiudžvańnia infarmacyi z dapamohaj usich dastupnych kanałaŭ kamunikacyi, u pieršuju čarhu multymiedyjnych.
Pa tradycyi vystava «SMI ŭ Biełarusi» stanovicca placoŭkaj dla abmierkavańnia stanu i raźvićcia biełaruskaha infarmacyjnaha pola i płanavańnia na budučyniu. U prahramie vystavy — kruhłyja stały, sieminary i majstar-kłasy z udziełam viadučych žurnalistaŭ i miedyjaśpiecyjalistaŭ ź Biełarusi i Rasii.
U pieršy dzień pracy vystavy buduć uručanyja ŭznaharody XII Nacyjanalnaha konkursu drukavanych srodkaŭ masavaj infarmacyi «Załataja Litara».
U hetyja ž dni, 11-14 maja, projdzie ChI Biełaruski mižnarodny miedyjaforum «Partniorstva ŭ imia budučyni». Da ŭdziełu ŭ miedyjaforumie zaprošanyja kiraŭniki ŚMI, viadomyja palitołahi, ekśpierty krain SND, blizkaha i dalokaha zamiežža. Hości voźmuć udzieł i ŭ mierapryjemstvach vystavy «ŚMI ŭ Biełarusi».
Arhanizatarami XX Mižnarodnaj śpiecyjalizavanaj vystavy «SMI ŭ Biełarusi» vystupajuć Ministerstva infarmacyi, NVC «Biełekspa» pry padtrymcy Minharvykankama, Nacyjanalnaj dziaržaŭnaj teleradyjokampanii, Sajuza vydaŭcoŭ i raspaŭsiudžvalnikaŭ druku, RUP «Dom presy», HA «Biełaruski sajuz žurnalistaŭ».
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj11
Kamientary