Tvory finalistaŭ konkursu «Novyja imiony Biełaruskaha tydnia mody» FOTY
Konkurs maładych dyzajnieraŭ adzieńnia «Novyja imiony Biełaruskaha tydnia mody» — heta prafiesijny konkurs dla vypusknikoŭ, navučencaŭ i studentaŭ profilnych navučalnych ustanoŭ Biełarusi. Materyjał dla tvorčaści pradstaviŭ «Aršanski ilnokambinat», takim čynam usie piać konkursnych rabot ad kožnaha finalista zroblenyja ź ilnu.
Hałoŭny pryz – mahčymaść stvaryć pramysłovuju kalekcyju adzieńnia «prêt-a-porter» i biaspłatny ŭdzieł u nastupnym Biełaruskim tydni mody. Za niekalki papiarednich miesiacaŭ z amal piacidziesiaci ŭdzielnikaŭ da finału dajšli tolki šeść.
Pieramožcaj hetaha siezona stała studentka minskaha Instytuta sučasnych viedaŭ Maryna Mierankova. Maryna biare ŭdzieł u konkursie druhi raz, u minułym siezonie taksama dajšła da finału. U stvareńni rabot natchniałasia tvorami Ijeranima Boscha.
Varvara Troickaja, studentka Biełaruskaj dziaržaŭnaj akademii mastactvaŭ, druhi raz atrymała «pryz hladackich simpatyj» pa vynikach hałasavańnia ŭ sacyjalnych sietkach. Sioletniaja kalekcyja abjadnała temy aryhami i mora.
Anatol Palaščuk, navučeniec Minskaha dziaržaŭnaha prafiesijna-techničnaha kaledža švactva, vykarystaŭ dla konkursnych madelaŭ techniku «sinel». Ideju kalekcyi padkazała zastaŭka da multfilma «Karusiel».
Hanna Kniaźkina, navučenka Minskaha dziaržaŭnaha technałahičnaha kaledža, natchniłasia knižkaj svajoj dački z vyjavaj karabla.
Alaksandra Hunas, studentka Instytuta sučasnych viedaŭ, vykarystała vobrazy sučasnaha vuličnaha mastactva.
Ksienija Hieść, studentka Viciebskaha dziaržaŭnaha technałahičnaha ŭniviersiteta, pry stvareńni kalekcyi aryjentavałasia na vuličnuju modu Uschodu.
Foty pradstaŭlenyja arhanizatarami Biełaruskaha tydnia mody.
Ciapier čytajuć
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary