Kaścioł kanca XVIII stahodździa ŭ Dubravie (Maładziečanski rajon, 7 km ad Alachnovič, nacisk na pieršy skład DUbrava) byŭ zbudavany ŭ styli kłasicyzmu. Ci byŭ aŭtaram prajekta italjanski architektar Karła Spampani? Mahčyma, bo jon u tyja dziesiacihodździ šmat budavaŭ u Biełarusi. Adnak, kaścioł maje rysy kłasicyzmu, a nie poźniaha baroka, ułaścivyja inšym prajektam Spampani.
Kaścioł byŭ zakryty ŭ 1948 hodzie i z taje pary vykarystoŭvaŭsia ŭ haspadarčych metach. Jak raskazvajuć miascovyja žychary, u 1980-ja studenty, što pryjechali na bulbu, vyrašyli raźvieści na jaho dachu vohnišča. Pačaŭsia pažar, sklapieńni abvalilisia.
Kałony jašče vysiacca siarod chmyzu.
Kutyja kraty na kruhłym aknie.
Staraja mahiła na zachodnim baku ćvintara.
Mahiła ksiandza, «biaźvinnaja kroŭ» jakoha praliłasia vosieńniu 1942 hoda.
Płastykavaja butelka kala staroha jasienia na ćvintary.
Na kaścielnym ćvintary valajecca cydułka z prośbaj pradać cyharety praź niepaŭnaletniuju plamieńnicy.
Kaścioł staić na samaj hary. Ź jaje adkryvajecca vid na šyrokuju dalinu Zachodniaj Biareziny.
Z hary možna ŭbačyć «Dziavočuju haru» — kolišniaje kapišča. Pobač zachavalisia taksama staradaŭnija kurhany.
Niedaloka ad Dubrava, kala hary Majak, biaruć pačatak try raki roznych basiejnaŭ — Zachodniaja Biarezina, što ciače ŭ Nioman, Uša, prytok Vialli, i Śvisłač, što niasie vody ŭ Biarezinu i Dniapro.
U Dubrovie staić taksama pryhožy budynak staroha brovara.
Dbańniem miascovych ludziej usie vulicy miastečka nosiać biełaruskija i miascovyja nazvy — Kastusia Kalinoŭskaha, Skaryny, Maksima Tanka, Bieniedykta Dyboŭskaha (hety navukoviec naradziŭsia pobač na chutary Adamaryn), Dziavočaja Horka…
Dabracca da Dubrava možna na mašynie darohaj Rakaŭ—Alechnavičy. Letaś pierad marozami jaje zaasfaltavali, ale vielmi niajakasna, i ŭžo viasnoj na joj šmat jamaŭ. Kali elektryčkaj, to možna jechać abo da stancyi Praleski, abo da stancyi Ramany (kirunak Maładziečna).
Ciapier čytajuć
Jak u halečy śpivałasia radnia Łukašenki? Małaviadomyja fakty26
Kamientary