«Dziciačyja modnyja dni» — pakazy dziciačych kalekcyj adzieńnia. Usie hrošy, sabranyja na hetych mierapryjemstvach, nakirujucca na budaŭnictva i ŭ padtrymku Biełaruskaha dziciačaha chośpisa. Adkryli pakazy dziciačaj mody kalekcyi školnaj formy i vopratki.
Handlovaja marka «Archideja fešn» prezientavała školnuju formu.
Svajo bačańnie školnaj formy pakazaŭ tandem maładych biełaruskich dyzajnieraŭ.
Brend «FRANTiška» (AAT «Žłobinskaja trykatažnaja fabryka») pradstaviŭ kalekcyju vopratki «Monpanśje».
Brytanskaja handlovaja marka «Next» pakazała adrazu niekalki kalekcyj dziciačaj vopratki. Pahladzieć i nabyć upadabanyja rečy možna ŭ firmovych kramach u handlovych centrach «Zamak» i «Ekspabieł» u Minsku.
Minski dziciačy teatr mody «Deshanel» pradstaviŭ adrazu dźvie kalekcyi: «Malina.by» i «Słavija». Madeli stvaralisia ź niepasrednym udziełam dziaciej — vychavancaŭ teatra mody. Nabyć rečy z hetych kalekcyj pakul niama mahčymaści.
Brytanskaja kampanija «Mothercare» śpiecyjalizujecca na adzieńni dla ciažarnych mam i niemaŭlat, ale prapanuje vopratku i dla starejšych dziaciej da 10 hod. U miežach prajektu jana prezientavała viasnovuju kalekcyju 2016 hoda. Pahladzieć i nabyć upadabanyja rečy možna ŭ firmovych kramach.
«Bana Berry» — novy dziciačy brend, u raspracoŭcy jakoha dzieci biaruć niepasredny ŭdzieł. Ideja jaho stvareńnia naležyć 11-hadovaj dziaŭčyncy. Adna z asablivaściaŭ kalekcyj — usie rečy spałučajucca miž saboj (kapsulnyja kalekcyi).
Upieršyniu svaju kalekcyju «Viasiołka Chempšyna» pakazała dyzajnierka Valeryja Krysa. U stvareńni vopratki jana natchniałasia šmatkolernaściu daliny Chemšyn na čarnamorskim uźbiarežžy Turcyi. Niezvyčajnym elemientam kalekcyi stali chustki, jakija padkreślivajuć złučeńnie ŭschodniaj i słavianskaj kultur.
Brend «Vyaselka Stars» anansavaŭ kalekcyju «Ranica».
Dziciačaja linija tvorčaha źviazu madeljerak Śviatłany Złotnikavaj i Śviatłany Siarohinaj maje nazvu «Leya.me». Nazva kalekcyi «Mexican Story» kaža sama za siabie: jana pryśviečana Mieksicy, jaje rytmu i kultury. Nabyć hetyja rečy možna tut.
Vieranika Kanaševič na siezon vosień-zima 2016/17 prapanuje koleraterapiju. Kalekcyja «Frisson» atrymałasia jarkaj i jaskravaj. Tradycyjna madeljerka vykarystoŭvaje karunki i ručnuju vyšyŭku.
Brend «SV Models» ź Litvy pradstaviŭ kalekcyju «Mosenc». Hetak nazyvajecca zavod kavy ŭ Łatvii, i kožnaja madel kalekcyi pryśviečanaja historyi hetaha napoju.
SKORINA dress — brend maładoj dyzajnierki. Asnova jaje kalekcyj — sukienki, i sioleta Maryja źviarnuła ŭvahu na samuju małodšuju žanočuju aŭdytoryju. U kalekcyi vykarystoŭvajucca darosłyja siłuety, ale zachavana dziciačaja niepasrednaść. Tradycyjna sukienki azdobleny karunkami.
Dyzajnierka Volha Ahiej pakazała kalekcyju «Sukienka pieratvarajecca…». Zaduma aŭtara ŭ tym, što madeli z hetaj kalekcyi mohuć lohka transfarmavacca niekalki razoŭ i stvarajuć adroznyja vobrazy. Zamović upadabanyja rečy možna na sajcie dyzajnierki.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary