Karcinu pradusavaŭ majstra strašnych historyj Hiljerma Del Tora.
PRYTUŁAK (El Orfanato)
Meksika – Hišpanija, 2007, kalarovy, 105 chv.
Režyser: Chuan Antonia Bajona
Roli vykonvajuć: Bielen Rueda, Fernanda Kaja, Rodžer Pryncep, Mabel Ryvera, Manserat Karulja, Džeraldzin Čaplin
Žanr: Hatyčnaja iberyjskaja mistyka
Pryzy, festy: Pryzy “Hoja” za najlepšy debiut, huk, admysłovyja efekty, dyzajn, pryzy Barselonskaha kinafestu, Hran-pry fantastyčnych filmaŭ u Žerarmie – usiaho 26 uznaharodaŭ i 26 naminacyj.
Adznaka: 6,5 (z 10)
Dziacinstva Łaury prajšło ŭ prytułku. Praz 30 hadoŭ hierainia viartajecca na staroje miesca z mužam Karłasam i pryjomnym synam Sajmanam. Łaura prahnie ŭsynavić šče kolki dziaciej. Ale jejny syn viadzie pałachlivyja hulni ź niabačnymi pryvidami…
Karcina Chuana Antonia Bajony – spradusavanaja meksikanskim čaraŭnikom strašnych historyj Hiljermam Del Tora (“Labirynt Faŭna”, “Chrybiet djabła”). Film maładoha režysera – heta hatyčnaja łacinskaja mistyka, uzhadavanaja na eŭrapiejskaj kultury z vykštałconaj aperatarskaj technikaj i trymcienna-melanchaličnaj atmasferaj.
Nia treba kryvi i hučnych krykaŭ: sparachnieły dom, špalery, sadranyja malečymi palcami, šeraje mora, ladaščaja staraja z toŭstymi akularami, skryp na dziciačaj placoŭcy, ścieni, viazanaja maska z huzikam…
“Prytułak” pałochaje čakańniem i sumam apošniaj hulni. Maciarynski instynkt nie vyratoŭvaje, a zahaniaje ŭ niebiaśpiečnuju pastku; śviatło ŭ ciemry – falšyvaje, a luboŭ dastajecca pryvidam. Stvaralniki stužki vidavočna skarystali j dośvied amerykanskaha “Pałterhiejstu”, ale zrabili heta tonka, bieź vialikich efektaŭ.
Karcina krychu pravisaje ŭ finale, ale heta nie admianiaje čaroŭnaje atmasfery eŭrakultavaha kino.
Seansy ŭ mienskich kinateatrach da piatnicy 4 krasavika.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki7
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary