Turcyja damoviłasia z Azierbajdžanam paskoryć raboty pa budaŭnictvie Transanatalijskaha trubapravoda (TANAP), zajaviŭ kiraŭnik tureckaha ŭrada Achmied Davutohłu pa vynikach sustrečy z prezidentam Azierbajdžana Ilchamam Alijevym.
«Baku i Ankara pahadzilisia ź nieabchodnaściu paskoryć uviadzieńnie Transanatalijskaha hazapravoda. Pa vynikach siońniašnich pieramoŭ pierad ministrami enierhietyki pastavili zadaču, kab TANAP pačaŭ pracavać raniej za zapłanavany 2018 hod», — zajaviŭ Davutohłu ŭ Baku.
U ciapierašni čas praz kanflikt rasijskich i tureckich uładaŭ pad pahrozaj znachodzicca budaŭnictva hazapravoda «Turecki patok», jaki dazvoliŭ by Rasii admovicca ad transparciroŭki hazu praz Ukrainu.
Na fonie abvastreńnia rasijska-tureckich adnosin ułady Azierbajdžana prademanstravali padtrymku Turcyi.
«Azierbajdžan i Turcyja trymajucca razam, my padtrymlivajem i budziem padtrymlivać adzin adnaho. Adnosiny raźvivajucca va ŭsich śfierach, i hety vizit adyhraje važnuju rolu va ŭmacavańni suviaziej», — zajaŭlaŭ raniej Ilcham Alijeŭ.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty23
Kamientary