Hihina, Kizimu i Špakoŭskaha abvinavacili ŭ nianaviści da «ruskaha śvietu»
Viadomy rasijski palitołah i historyk Aleh Niamienski ŭ svaim błohu rezka raskrytykavaŭ svaich biełaruskich kaleh za nacyjanalizm.
8 kastryčnika pasolstva Biełarusi ŭ Rasii zładziła ekśpiertny videamost Maskva – Minsk na temu «Pierśpiektyvy biełaruska-rasijskich adnosin u kantekście prezidenckich vybaraŭ».
Ź biełaruskaha boku ŭ mierapryjemstvie prymali ŭdzieł hałoŭny redaktar časopisu «Biełaruskaja dumka» Vadzim Hihin, palitołahi Juryj Šaŭcoŭ, Siarhiej Kizima i Alaksandr Špakoŭski.
«Ź biełaruskaha boku išoŭ škvał pretenzij i najezdaŭ, — piša Aleh Niamienski. – Asabliva razyšoŭsia raniej nibyta pamiarkoŭna praruski Hihin, jaki prosta kryčaŭ, pierabivaŭ, abražaŭ, aburaŭsia. Nijak nie čakaŭ ad jaho takich pavodzinaŭ».
Niamienski, jaki ličycca ekśpiertam u Rasii pa Ukrainie i Biełarusi, adznačaje, što ŭsich biełaruskich ekśpiertaŭ abjadnoŭvała «nianaviść da Ruskaha śvietu».
«Vidavočna, što z taho momantu, jak Łukašenka abviaściŭ jamu [ruskamu śvietu – «NN»] vajnu, ekśpierty stali ŭ šerahi.
Asabliva paciešyła ultrarusafobskaja pramova Kizimy, jaki vielmi baicca «rusifikacyi Biełarusi»
i navat pastaviŭ umovu: kali vy chočacie intehravacca ź Biełaruśsiu, to pavinny admovicca ad ruskaha patryjatyzmu. Taki voś šantaž: albo vy siabie zabivajecie, albo my ad vas advaročvajemsia. «Što dla vas važniej: intehracyja abo ideałohija?» Samaje cikavaje, što łukašenkaŭskija ekśpierty sapraŭdy dumajuć, što mohuć stavić Rasiei takija ŭmovy», — praciahvaje Aleh Niamienski.
«Fakt u tym, što biełarusy nastrojeny niesupastaŭna bolš pa-prarasiejsku i pa-prarusku, čym ciapierašniaja palityčnaja i ekśpiertnaja elita Biełarusi. I kali jana vyrašyła abjavić vajnu Ruskamu śvietu, to biełarusy buduć na druhim baku. Nu, akramia niedzie 20 pracentaŭ», — robić vysnovu rasijski ekśpiert. Jon ličyć, što biełaruskaja elita nie hatovaja navat da takoj «kvaziintehracyi» z Rasijaj, jakaja prapanoŭvajecca ciapier.
Kamientary