Rasijskija vajskova-pavietranyja siły nanieśli pieršy avijaŭdar u Siryi, pieradaje ŭ sieradu, 30 vieraśnia, CNN, spasyłajučysia na pradstaŭnika amierykanskich uładaŭ.
Udar, pa słovach surazmoŭcy telekanała, nanieśli niedaloka ad horada Choms.
Jak pieradaje Reuters sa spasyłkaj na siryjskuju manitorynhavuju hrupu, pad avijaŭdarami ŭ pravincyi Choms zahinuli prynamsi 27 čałaviek, uklučajučy šaściarych dziaciej.
Častku pravincyi Choms kantraluje pamiarkoŭnaja siryjskaja apazicyja. Isłamskaja dziaržava kantraluje terytoryi na ŭschodzie i poŭnačy krainy. Choms znachodzicca ŭ centry, na darozie z Damaska na ŭźbiarežža, dzie raźmiaścilisia rasiejskija vajskovyja častki.
Infarmacyju pra avijaŭdary paćvierdziŭ aficyjny pradstaŭnik Minabarony RF hienierał-major Ihar Kanašenkaŭ, paviedamlaje RIA «Novosti». Pryčym jon śćviardžaje, što ŭdary byli naniesienyja pa Isłamskaj dziaržavie.
«U adpaviednaści z rašeńniem Viarchoŭnaha Hałoŭnakamandujučaha Uzbrojenymi Siłami RF Uładzimira Pucina samaloty rasijskich Pavietrana-kaśmičnych sił (PKS) siońnia prystupili da praviadzieńnia pavietranaj apieracyi z naniasieńniem kropkavych udaraŭ pa naziemnych metach terarystaŭ hrupoŭki IDzIŁ na terytoryi Siryjskaj Arabskaj Respubliki», — skazaŭ jon žurnalistam.
Kanašenkaŭ taksama paviedamiŭ, što ministr abarony RF hienierał armii Siarhiej Šajhu prainfarmavaŭ svaich kaleh pa ADKB ab tym, što ŭ chodzie pavietranaj apieracyi ŭ Siryi, samaloty rasijskich PKS nanosiać ŭdary pa vajennaj technicy, vuzłach suviazi, transpartnych srodkaŭ, składach zbroi, bojeprypasaŭ i haruča- zmazačnych materyjałaŭ, jakija naležać terarystam ź ID.
U sieradu stała viadoma, što prezident Rasii Uładzimir Pucin unios u Saviet Fiederacyi pytańnie ab zhodzie na vykarystańnie US RF za miažoj. Saviet adpaviedny dazvoł vydaŭ. Kiraŭnik administracyi Kramla Siarhiej Ivanoŭ paviedamiŭ žurnalistam, što prezident Siryi Bašar Asad źviarnuŭsia da RF z prośbaj ab akazańni vajennaj dapamohi. Ivanoŭ padkreśliŭ, što havorka pry dziejańniach US RF za miažoj idzie vyklučna ab apieracyi VPS, vykarystańnie vajskoŭcaŭ u naziemnych apieracyjach vyklučanaje.
Jak pieradaje Bi-bi-si, Pucin zajaviŭ ab tym, što rasiejskija vajenna-pavietranyja siły buduć akazvać padtrymku siryjskamu ŭradu da taho času, pakul vojski Siryi buduć pravodzić nastupalnyja apieracyi.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna7
Kamientary