Na Minskim płanietaryi staviać kupał, jon krucicca na 360 hradusaŭ
Teleskop pakul źniali na zachoŭvańnie da zaviaršeńnia rekanstrukcyi.
Na absiervatoryi Minskaha płanietaryja ŭstalavali novy kupał. Jon z elektrapryvadam, stvorkami, što raskryvajucca, i mahčymaściu kručeńnia na 360 hradusaŭ, paviedamlaje «Minskbud».
Teleskop pakul źniali na zachoŭvańnie da zaviaršeńnia rekanstrukcyi. I jana ŭžo nie za harami.
Absiervatoryja ŭžo atynkavanaja, viadziecca mantaž vintavoj leśvicy, pa jakoj naviedvalniki buduć padymacca na placoŭku pad kupałam, kab nazirać u teleskop za zorkami. Da kanca maja leśvica budzie «sabranaja». Zastaniecca pafarbavać fasad, ustalavać vitražy i zrabić admostku.
Na samim płanietaryi pracy bolš. Ciapier budaŭniki ŭciaplajuć cokal, izalujuć ścieny padvalnych pamiaškańniaŭ i prybudoŭvajuć hanak z tylnaha boku budynka.
Tynkavyja raboty ŭžo amal zavieršanyja, i pačalisia fasadnyja: ścieny ŭciaplajuć minieralnaj vataj, paśla naniasuć dekaratyŭnuju tynkoŭku i pafarbujuć. Na hetym tydni na abjekt zaviazuć vitražy i akonnyja błoki, kab zakryć kontur.
A ŭ červieni budaŭniki płanujuć prystupić da mantažu dachu.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!6
Kamientary