Nacyjanalny mastacki muziej nabyŭ słucki pojas daŭžynioj bolš za čatyry mietry
Nacyjanalny mastacki muziej Biełarusi papoŭniŭ svaju kalekcyju novym kaštoŭnym ekspanatam — cełym słuckim pojasam daŭžynioj kala 4 mietraŭ 60 santymietraŭ, jaki byŭ nabyty ŭ pryvatnaj asoby. U siužecie dziaržaŭnaha telebačańnia namiaknuli, jaho košt moža być vielmi vysokim — na ŭzroŭni sumy ź piaćciu nulami, piša Reform.news.
Asablivaść hetaha pojasa ŭ tym, što jon vydatna zachavaŭsia: maje bahaty ŭzor z załatych nitak, a taksama redkuju detal — aryhinalnyja machry na kancach. Takija elemienty časta nie dachodziać da našych dzion, tamu znachodka ličycca sapraŭdy kaštoŭnaj.
Daśledčyki adnosiać pojas prykładna da 1807 hoda i nazyvajuć jaho adnym z najlepšych uzoraŭ svajho času. Viadoma, što ŭ toj pieryjad Słuckaja manufaktura naležała Karalu Stanisłavu Radziviłu — i na pojasie navat zachavałasia adpaviednaja mietka.
Słuckija pajasy byli važnym elemientam adzieńnia zamožnaj šlachty. Ich tkali z šoŭku, a taksama załatych i srebnych nitak. Spačatku takija pajasy pryvozili z Uschodu, ale z časam u Vialikim Kniastvie Litoŭskim naładzili ŭłasnuju vytvorčaść, jakaja dasiahnuła vielmi vysokaha ŭzroŭniu majsterstva.
Sama Słuckaja manufaktura była zasnavana ŭ 1760 hodzie kniaziem Michałam Kazimiram Radziviłam. Dla navučańnia miascovych majstroŭ zaprasili śpiecyjalista — Jana Madžarskaha, ramieśnika armianskaha pachodžańnia. Vytvorčaść praciahvałasia kala 50 hadoŭ i pakinuła paśla siabie słavutuju kulturnuju spadčynu.
Siońnia słuckija pajasy ličacca vialikaj redkaściu: u śviecie zachavałasia mienš za tysiaču takich vyrabaŭ, i tolki niekalki dziasiatkaŭ znachodziacca ŭ biełaruskich muziejach. Značnaja častka kalekcyj była stračana padčas Druhoj suśvietnaj vajny.
Nabyty pojas pakul nie budzie vystaŭleny — jaho płanujuć zachoŭvać u muziejnych fondach.
Dyzajnierka stvaraje šykoŭnyja interjery ź biełaruskim kałarytam FOTY
Na budynku novaha Nacyjanalnaha histaryčnaha muzieja źjavilisia hareljefy. Što na ich?
Hałoŭny korpus Nacyjanalnaha mastackaha muzieja Biełarusi płanujuć zakryć na rekanstrukcyju
Aryštavanyja ŭ ksiandza Hienrycha Akałatoviča staradaŭnija ikony vyvieźli ŭ Nacyjanalny mastacki muziej i vystavili na aŭkcyjon
Minkultury raskazała pra sproby viartańnia biełaruskich kaštoŭnaściaŭ, stračanych padčas vojnaŭ
Ciapier čytajuć
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary