Na budynku novaha Nacyjanalnaha histaryčnaha muzieja źjavilisia hareljefy. Što na ich?
Na fasadzie novaha histaryčnaha muzieja na vulicy Arłoŭskaj u Minsku źjavicca adrazu šeść hareljefaŭ. Svaje miescy pakul zaniali tolki dva. Treci — u pracesie mantažu. Vyšynia hareljefaŭ — 17 mietraŭ, piša Onliner.by.
Vaha navat nie ahučvajecca, ale možna sabie ŭjavić hetuju mahutnaść: jany vykanany z bronzy.
Ich vyrablaje ceły kalektyŭ aŭtaraŭ na płoščach «Skulpturnaha kambinata»: tolki tam jość cechi z bolš-mienš prydatnaj vyšynioj stolaŭ (dy i toj nie chapaje — usie hareljefy składajucca z častak). Praces stvareńnia kožnaha šedeŭra doŭhi i karpatlivy. Spačatku fihury lepiać z hliny, zatym z hlinianaha makieta zdymajuć hipsavuju formu, a ŭžo potym hetuju formu adpraŭlajuć u liciejny cech, kab jana ŭvasobiłasia ŭ bronzie.
Muziejnyja hareljefy — heta «zbor» znajomych usim ź dziacinstva biełaruskich vobrazaŭ. Pry hetym tolki partretnych fihur zapłanavana kala paŭsotni. Kampazicyi stajać na hranitnych pastamientach.
Pieršyja hatovyja «instalacyi» nazyvajucca «Dahistaryčny pieryjad» i «Staražytnaja Ruś».
— Pierad nami staić ultraskładanaja zadača. Luby naviedvalnik muzieja, padychodziačy da fasada, budzie pahružacca ŭ hłybokuju historyju našaj krainy. Kožnaja z «staronak» składajecca ź dźviuch asnoŭnych častak: nižni błok pryśviečany znakavym histaryčnym asobam, jakija prasłavili svaju epochu, a vierchniaja častka — siužetnyja bareljefy, pryśviečanyja kankretnaj eposie i jaje asnoŭnym padziejam. Na kožnuju «staronku» pa technałahičnym cykle adviedziena amal paŭhoda, — raskazvaŭ u efiry telekanała ONT zahadčyk kafiedry skulptury Biełaruskaj dziaržaŭnaj akademii mastactvaŭ Kanstancin Kaścičenka.
Mantaž hareljefaŭ idzie davoli chutka. Pastamienty ŭžo hatovyja pad usie kampazicyi. Vierahodna, užo da siaredziny maja možna budzie razhledzieć (pakul — praz aharodžu) usie bronzavyja pałotny.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
hihantamanija, doraha-bahata pa-cyhansku, adsutnaść hustu i h.d... karaciej - ničoha biełaruskaha