U Viciebskaj vobłaści ŭpaŭ bajavy dron, jaho ŭ toj ža dzień padarvali na miescy
Jak stała viadoma «Našaj Nivie» ź dźviuch krynic, 17 maja na terytoryi Biełarusi ŭpaŭ bajavy dron. Jon nie ŭzarvaŭsia sam, siłaviki padarvali jaho na miescy. Heta zdaryłasia na poŭdzień ad Hłybokaha.
Aficyjnyja struktury pra incydent nie paviedamlali.
Heta ŭžo nie pieršy vypadak zalotu i padzieńnia ŭ Biełarusi bajavych dronaŭ. U suviazi z zakrytaściu infarmacyi nieviadoma, dron jakoj krainy zalacieŭ u Biełaruś na hety raz.
Rasija vykarystoŭvała pavietranuju prastoru Biełarusi dla atak pa Ukrainie.
Ukraincy zmahajucca z atakami dronaŭ pa-roznamu, u tym liku elektronna, u vyniku čaho rasijskija drony časam varjaciejuć i advolna mianiajuć trajektoryju, časam akazvajučysia ŭ Biełarusi.
Anałahičnyja zachady prymianiajuć i rasijanie.
Učora adzin ukrainski dron z vybuchoŭkaj zalacieŭ u Litvu. Jon byŭ znojdzieny ŭ horadzie Uciana na paŭnočnym uschodzie krainy, prykładna za 40 km ad miež Łatvii i Biełarusi. Raniej źbityja z kursu ŭkrainskija drony apynalisia ŭ Litvie, Łatvii, Estonii i navat Finlandyi.
Abmieny rakietna-dronavymi ŭdarami miž Rasijaj i Ukrainaj dasiahnuli vialikaj intensiŭnaści. Niekatoryja dni nad adnoj i druhoj krainami źbivajuć da tysiačy dalnabojnych bieśpiłotnikaŭ.
Rasija i režym Alaksandra Łukašenki ŭ 2022 hodzie raźličvali zachapić Kijeŭ za try-čatyry dni. Adnak blickryh nie ŭdaŭsia. Vajna praciahvajecca ŭžo piaty hod. Paśla taho jak stała zrazumieła, što jana zaciahvajecca, rasijskija vojski vyjšli ź biełaruskaj terytoryi, ale biełaruski VPK praciahvaje pracavać na patreby rasijskaj armii.
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary