Paśla ataki dronaŭ haryć naftapierapracoŭčy zavod «Łukojł» u Nižaharodskaj vobłaści
Ranicaj 20 maja horad Kstova Nižaharodskaj vobłaści RF byŭ atakavany dronami. Miascovyja žychary paviedamlajuć pra sieryju vybuchaŭ, paśla jakich na terytoryi naftapierapracoŭčaha zavoda «Łukojł-Nižaharodnaftaorhsintez» uspychnuŭ pažar.
Hienieralny štab USU zajaviŭ, što Siły abarony Ukrainy nanieśli ŭdary pa NPZ u Kstovie, a taksama pa naftapierapampovačnaj stancyi «Jarasłaŭl-3».
Zhodna z OSINT-analizam vydańnia ASTRA, na zavodzie była atakavana ŭstanoŭka EŁOU-AVT. Heta klučavy kompleks dla pieršasnaj pierapracoŭki nafty. Paškodžańnie hetaj ustanoŭki zdolnaje istotna zatarmazić uvieś vytvorčy łancužok.
«Łukojł-Nižahoradnaftaorhsintez» źjaŭlajecca adnym z najbujniejšych NPZ u Rasii z mahutnaściu kala 17 miljonaŭ ton nafty za hod. Zavod vypuskaje bolš za 50 najmieńniaŭ naftapraduktaŭ i adyhryvaje klučavuju rolu ŭ zabieśpiačeńni Maskoŭskaha rehijona.
Raniej prezident Ukrainy Uładzimir Zialenski zajaŭlaŭ, što tolki za apošnija miesiacy rasijskaja naftapierapracoŭka skaraciłasia na 10%. Praź sistematyčnyja naloty rasijskija kampanii vymušany spyniać śvidraviny, što dla ich zdabyčy źjaŭlajecca navat bolš balučym udaram, čym pramyja ekanamičnyja straty.
Taksama ŭkrainskija drony atakavali chimzavod «Azot» u Staŭrapolskim krai RF horada Niavinnamyska. Pra nalot na «pramysłovuju zonu» paviedamiŭ hubiernatar rehijona Uładzimir Uładzimiraŭ, jaki zajaviŭ, što «paciarpiełych i razbureńniaŭ niama».
Adnak miascovyja žychary publikujuć fota i videa, na jakich vidać mocny pažar u pramzonie. Pavodle vydańnia Astra, zaharańnie adbyłosia na terytoryi chimičnaha kambinata «Azot».
Hety zavod naležyć bujnoj kampanii «Jeŭrachim» i źjaŭlajecca stratehičnym abjektam rasijskaha vajenna-pramysłovaha kompleksu. Reuters pisała, u pieryjad z 2022 pa 2024 hod pradpryjemstva aktyŭna pastaŭlała syravinu dla vytvorčaści vybuchoŭki, jakaja paśla vykarystoŭvałasia pry vyrabie artyleryjskich snaradaŭ.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali6
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2727
Kamientary