Miedsiastru z RNPC traŭmatałohii i artapiedyi asudzili pa dvuch palityčnych artykułach
Ludmiła Prakapienia šmat hadoŭ dapamahała pacyjentam paśla ciažkich traŭmaŭ. Mierkavana, ciapier jana za kratami.
Ludmile Prakapieni 59 hadoŭ. Jana — spraktykavanaja miedsiastra, jakaja doŭhi čas pracavała ŭ RNPC traŭmatałohii i artapiedyi ŭ Minsku.
Jašče niekalki hadoŭ tamu dziaržaŭnyja ŚMI zhadvali jaje ŭ materyjałach pra pośpiechi biełaruskaj miedycyny, dzie jana razam z daktarami staviła na nohi pacyjentaŭ paśla składanych pierałomaŭ šyjki ściahna.
Ludmiłu sudzili ŭ Minskim haradskim sudzie pavodle dvuch artykułaŭ Kryminalnaha kodeksa: č. 1 art. 130 (raspalvańnie varožaści ci varažniečy) i art. 369 (abraza pradstaŭnika ŭłady). Padrabiaznaści spravy nieviadomyja.
Miarkujučy pa ŭsim, joj prysudzili kałoniju — žančyna tak i nie źjaviłasia anłajn paśla prysudu.
Masavyja palityčnyja represii ŭ Biełarusi praciahvajucca z 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ uładu.
Pa słovach hienieralnaha prakurora Andreja Švieda, tolki da kastryčnika 2023 hoda było zaviedziena bolš za 16 tysiač kryminalnych spraŭ «ekstremisckaj skiravanaści», heta značyć, palityčnaha charaktaru.
Zhodna ź infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli vyjechać z krainy.
«Ekstremizmam» ułady Biełarusi ličać padpiski na niezaležnyja kanały, ŚMI, najaŭnaść spasyłak na ich u sacyjalnych sietkach ci najaŭnaść u sacsietkach abo na rečach biełaruskaj nacyjanalnaj, dałukašenkaŭskaj simvoliki. Da «ekstremizmu» zaličvajuć taksama praktyčna ŭsialakuju krytyku ŭładaŭ, aficyjnych histaryčnych naratyvaŭ ci prajavy salidarnaści z Ukrainaj.
«Naša Niva» — bastyjon biełaruščyny
PADTRYMAĆCiapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary