U novym emihranckim vydaviectvie «Śviedki» vyjšła kniha Sabiny Bryło «Dieło Viktora Babariko». Prezientacyja vydańnia adbudziecca ŭ Varšavie ŭ miežach Mižnarodnaha knižnaha kirmaša 31 traŭnia.
U sustrečy voźmie ŭdzieł hałoŭny hieroj knihi Viktar Babaryka, a taksama jahonaja advakatka Natalla Mackievič.
Kniha Sabiny Bryło — chronika złamysnaha pieraśledu Viktara Babaryki, što razhortvajecca na fonie sistemnaha źniščeńnia ŭ Biełarusi svabody słova, schodaŭ, prava na abaronu i spraviadlivy sud. Aŭtarka dzień za dniom adnaŭlaje dramu — ad momantu rašeńnia Babaryki ŭdzielničać u prezidenckaj kampanii 2020 hodu i da nastupnych vybaraŭ u studzieni 2025-ha, piša bellit.info.
Źmiest knihi — pa sutnaści, histaryčnaja rekanstrukcyja — hruntujecca na adkrytych krynicach, aŭtarskich intervju, archivach, materyjałach pravaabarončych arhanizacyj i ŭnikalnych dakumientach, pradastaŭlenych advakatami hałoŭnaha hieroja.
Ciapier dastupnaje da pakupki vydańnie na rasiejskaj movie.
Ale ŭžo viadziecca praca nad pierakładam knihi na biełaruskuju movu, jaki maje vyjści ŭ vieraśni 2026 hodu. Pieradzamović biełaruskamoŭnuju viersiju možna praz sajt Allegro.pl.
Kamientary
[Zredahavana]