U vybarach u Kaardynacyjnuju radu ŭziali ŭdzieł 2113 čałaviek. U minułych vybarach dva hady tamu prahałasavali 6723 čałavieki.
Udzieł u vybarach brali dzieviać błokaŭ (pieršapačatkova 174 čałavieki, potym niekalki čałaviek źnialisia).
Kab prajści ŭ KR, treba było nabrać try pracenty.
Na vybarach prahałasavali 2113 čałaviek.
Bolš za ŭsich — 42% — u Kaalicyi Łatuški i Ruchu «Za Svabodu».
Na druhim miescy z 14% śpis «Jeŭrapiejski vybar» na čale z Valeram Mackievičam. Heta frakcyja, blizkaja da Ofisa Cichanoŭskaj.
Na trecim — «Vola», kaściak jakoha skłali dobraachvotniki-kalinoŭcy.
Na 4‑m miescy — śpis aktyvistaŭ maładoha pakaleńnia «Nastup».
«Zakon i pravaparadak» Alaksandra Azarava nabraŭ 1,18% (25 hałasoŭ), i ŭ KR nie traplaje.
Takim čynam u KR (80 delehataŭ) budzie ad Kaalicyi Łatuški i ruchu «Za svabodu» — 34 čałavieki, «Jeŭrapiejski vybar» — 11, «Nastup», ruch «Vola» — 8, AHP — 6, «Chopić bajacca» — 5, «Vaš hołas», «Biełarusy dziejańnia» — 4.
Vybary pavinny byli pačacca a 00:00 u noč na paniadziełak 11 maja, ale pačatak byŭ pieraniesieny na 22:00 paniadziełka 11 maja. Taksama hałasavańnie było padoŭžana na 36 hadzin i skončyłasia a 12‑j siońnia.
U 2024 hodzie ŭ vybarach u KR uziali ŭdzieł 6723 čałavieki.
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Kamientary
[Zredahavana]