Viciebskuju prarasijskuju aktyvistku Elviru Mirsalimavu vyklikali ŭ milicyju
Prarasijskuju aktyvistku Elviru Mirsalimavu vyklikali na «hutarku» ŭ Kastryčnicki RAUS Viciebska. Pra heta jana paviedamiła ŭ sacyjalnych sietkach. Mirsalimava miarkuje, što nahodaj staŭ «niejki čarhovy danos».
U svaim paście Mirsalimava napisała, što joj patelefanavali ź milicyi i paprasili źjavicca ŭ adździeł. Aktyvistka dadała, što kali jana nie vyjdzie na suviaź da viečara, heta budzie aznačać, što situacyja raźvivajecca pa «niespryjalnym scenaryi».
Heta daloka nie pieršaja ŭvaha siłavikoŭ da dziejnaści Mirsalimavaj, jakaja aktyŭna prasoŭvaje antybiełaruskija, prarasijskija naratyvy. Raniej jana ŭžo pryciahvałasia da administracyjnaj adkaznaści za parušeńnie zakanadaŭstva ab masavych mierapryjemstvach i pikietavańni.
Apošni raz Mirsalimava pryciahnuła da siabie ŭvahu, kali razdavała hieorhijeŭskija stužki 9 maja. Prapahandyst Ryhor Azaronak nazvaŭ jaje dziejańni pravakacyjaj.
Kamientary