U Lubanskim rajonie 11 vieraśnia dadzieny start budaŭnictvu Niežynskaha horna-abahačalnaha kompleksu.
Heta maštabny prajekt kampanii «Słavkalij», jakaja naležyć rasijskamu biznesmienu Michaiłu Huceryjevu.
Michaił Huceryjeŭ raspavioŭ žurnalistam, što horna-abahačalny kompleks daść pieršuju pradukcyju ŭ 2020 hodzie, a akupicca da 2030 hoda, da hetaha času ŭ biudžet Biełarusi pastupić $8 młrd pošlin i padatkaŭ, $2 młrd budzie vypłačana inviestaram, paviedamlaje BiełTA.
Čakajecca, što ŭ rehijonie źjaviacca kala dźviuch tysiač novych pracoŭnych miescaŭ, pieradaje ANT.
Pavodle acenki ekśpiertaŭ, bujny prajekt nadaść impuls ekanamičnamu raźvićciu Lubanskaha rajona — budzie praviedziena čyhunka, pabudavana stancyja, rajcentr pryraście žyllom na 240 kvateraŭ. A «Słavkalij» stanie druhim pradpryjemstvam u Biełarusi, jakoje budzie zdabyvać kalij i pradavać jaho praź Biełaruskuju kalijnuju kampaniju.
«My budziem pradavać praz BKK, — skazaŭ Huceryjeŭ. — I heta pravilna, biez «Biełaruśkalija» niemahčymy «Słavkalij». «Biełaruśkalij» — heta kadry, dośvied pracy, zdabyčy, kiravańnia. Usie hetyja ludzi buduć pracavać u nas».
Zakranajučy pytańnie kankurencyi z «Biełaruśkalijem», Michaił Huceryjeŭ adznačyŭ, što lubaja kankurencyja idzie na karyść.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary