У Любанскім раёне 11 верасня дадзены старт будаўніцтву Нежынскага горна-абагачальнага комплексу.
Гэта маштабны праект кампаніі «Славкалій», якая належыць расійскаму бізнэсмену Міхаілу Гуцэрыеву.
Міхаіл Гуцэрыеў распавёў журналістам, што горна-абагачальны комплекс дасць першую прадукцыю ў 2020 годзе, а акупіцца да 2030 года, да гэтага часу ў бюджэт Беларусі паступіць $8 млрд пошлін і падаткаў, $2 млрд будзе выплачана інвестарам, паведамляе БелТА.
Чакаецца, што ў рэгіёне з'явяцца каля дзвюх тысяч новых працоўных месцаў, перадае АНТ.
Паводле ацэнкі экспертаў, буйны праект надасць імпульс эканамічнаму развіццю Любанскага раёна — будзе праведзена чыгунка, пабудавана станцыя, райцэнтр прырасце жыллём на 240 кватэраў. А «Славкалій» стане другім прадпрыемствам у Беларусі, якое будзе здабываць калій і прадаваць яго праз Беларускую калійную кампанію.
«Мы будзем прадаваць праз БКК, — сказаў Гуцэрыеў. — І гэта правільна, без «Беларуськалія» немагчымы «Славкалій». «Беларуськалій» — гэта кадры, досвед працы, здабычы, кіравання. Усе гэтыя людзі будуць працаваць у нас».
Закранаючы пытанне канкурэнцыі з «Беларуськаліем», Міхаіл Гуцэрыеў адзначыў, што любая канкурэнцыя ідзе на карысць.
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары