Padčas vizitu ŭ adukacyjny centr «Siryus» u Sočy prezident Rasii Uładzimir Pucin rastłumačyŭ 11-hadovamu vučniu Dzianisu z Pskova situacyju vakoł kursu rubla.
Dzianis spytaŭ kiraŭnika Rasii, što adbyłosia z rublom. U pryvatnaści, jon pacikaviŭsia, ci aznačaje padzieńnie nacyjanalnaj valuty, što dla ekanomiki Rasii «ŭsio tak drenna». Pucin zapiarečyŭ školniku i dadaŭ, što ŭ dalarach «naš ekspart stanovicca tańniejšym».
Tady Dzianis spytaŭ, čamu padzieńnie rubla nielha spynić. Prezident adkazaŭ, što padzieńnie rubla spynić možna, ale nie rynkavymi mietadami. Pucin rastłumačyŭ, što kali rehulavać situacyju niarynačnym sposabam, to «my chutka spalim zołatavalutnyja reziervy».
«Kab heta było ŭzvažana, Centrabank pavinien kurs trochi adpuścić, što jon i robić. Treba zrabić tak, kab rubiel tak naŭprost nie zaležaŭ ad koštaŭ na naftu, haz i deryvatyvy», — dadaŭ prezident Rasii.
Školnik skazaŭ, što zrazumieŭ tłumačeńni prezidenta.
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj14
Kamientary