Pravieści jaho prapanoŭvajecca pry padtrymcy Rady biaśpieki AAN.
Niderłandy abmiarkoŭvajuć sa svaimi sajuźnikami mahčymaść mižnarodnaha trybunała dla asob, jakija padazrajucca ŭ krušeńni małajzijskaha Boeing nad Danbasam u lipieni 2014 hoda. Pra heta ahienctvu Reuters paviedamili krynicy, znajomyja z chodam abmierkavańnia.
Pravieści taki trybunał miarkujecca pry padtrymcy Rady biaśpieki AAN. Aficyjny Amsterdam razhladaje i inšyja varyjanty, ale miarkujecca, što razhlad spravy ŭ mižnarodnym trybunale, a nie nacyjanalnym sudzie, budzie najbolš paśpiachovym.
Rasśledavańnie avijakatastrofy ŭsio jašče praciahvajecca. Hałandskija prakurory nie płanujuć publikavać abvinavaŭčyja akty da taho, jak Rada pa biaśpiecy Niderłandaŭ vypuścić u kastryčniku spravazdaču ab rasśledavańni avijakatastrofy.
Pasažyrski samalot Boeing 777, jaki laciej z Amsterdama ŭ Kuała-Łumpur, byŭ źbity 17 lipienia 2014 hoda pad DNR. Na jaho borcie znachodzilisia 283 pasažyry i 15 čalcoŭ ekipaža, usie zahinuli.
U sakaviku palicyja Niderłandaŭ apublikavała infarmacyju hrupy mižnarodnych śledčych. Tam havoryłasia, što ŭ jakaści adnoj ź viersij śledstva razhladaje papadańnie rakiety z rasijskaha rakietnaha kompleksu «Buk» z terytoryi, kantralavanaj bajevikami.
Kamientary