U Biełarusi 1 červienia zaviaršajecca rehistracyja na prachodžańnie centralizavanaha testavańnia (CT).
Jak paviedamlałasia, abituryjenty mohuć pryjści ŭ punkt rehistracyi ŭ adnym horadzie, ale aformicca dla zdačy CT u inšych haradach. Taksama zarehistravać abituryjenta moža blizki svajak, jakomu pry sabie treba mieć nataryjalna zavieranuju davieranaść i ksierakopiju pašparta. Anałahičnyja dakumienty spatrebiacca dla atrymańnia dakumientaŭ pa vynikach CT.
Płata za pryjom i afarmleńnie dakumientaŭ dla ŭdziełu abituryjentaŭ u CT składaje 0,1 bazavaj vieličyni za adzin navučalny pradmiet (raniej - Br10 tys.).
Centralizavanaje testavańnie pa pradmietach zapłanavana z 14 pa 27 červienia. U hetym hodzie ŭ prahramu ŭklučana kitajskaja mova.
Papiarednie jaje buduć zdavać usiaho niekalki čałaviek. Pradmiety, na jakija prychodzić bolš za ŭsio abituryjentaŭ, zapłanavany na vychadnyja, što źviazana z aŭdytornym fondam.
U 2015 hodzie pa rekamiendacyi Ministerstva adukacyi na sajcie RIKV raźmieščany demanstracyjnyja viersii samoj śpiecyfikacyi i demanstracyjnyja viersii asobnych varyjantaŭ testavych zadańniaŭ dla taho, kab u abituryjenta była mahčymaść atrymać poŭnuju infarmacyju. Pry hetym repietycyjnaje teściravańnie ciapier možna prajści praź internet.
Z usimi dakumientami, što rehłamientujuć praviadzieńnie ŭstupnaj kampanii, taksama možna aznajomicca na partale Ministerstva adukacyi ŭ rubrycy «Ustupnaja kampanija 2015».
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii15
Kamientary