Miensk ładzić seans adnačasnaj hulni
Chaj sabie aficyjny Miensk, jak toj hrasmajstar Bender, i nie vyznačajecca raznastajnaściu chadoŭ, ale ž i Maskva, i Brusel znoŭ dy znoŭ musiać schilacca nad doškaj dy praličvać varyjanty. Piša ŭ svaim błohu Alaksandar Kłaskoŭski.
Aŭtorkavy dakład Alaksandra Łukašenki ŭ BDU całkam hruntavaŭsia na zvykłych žalezabetonnych tezach. Maŭlaŭ, adsutnaść u Biełarusi demakratyi jość mitam, jaki prydumaŭ Zachad; apazycyja — piataja kalona; medyi musiać kantralavacca dziaržavaj (dziela intaresaŭ toj samaj dziaržavy) i h.d. Biary dy ŭstaŭlaj u chrestamatyju pa aficyjnaj idealohii. I ŭsio ž — jość niuansy.
Łukašenka pryznaŭ, što vyzvaleńnie niekalkich palitźniavolenych (sam hety termin byŭ zamienieny eŭfemizmam) stała reakcyjaj na patrabavańni Zachadu. I što ciapier, maŭlaŭ, hetaja "chvaravitaja staronka" pierahornutaja.
Apošniaja fraza musić być probnym šaram: ci zadavolicca Eŭropa istotnym skaračeńniem śpisu viaźniaŭ sumleńnia, ci budzie z toj samaj upartaściu dziaŭbci pra Źdźvižkova, Klimava i, hałoŭnaje, Kazulina?
Sa słoŭ biełaruskaha kiraŭnika, ciapier čarha Eŭraźviazu "demanstravać svaje dobryja namiery". Karaciej, palityčny torh u čystym vyhladzie, i metafara pra viaźniaŭ jak raźmiennuju manetu nadziva trapnaja.
"I ŭsio ž kali raniej byli tolki deklaracyi pra žadańnie dyjalohu, to zaraz možna kazać chacia b pra minimalnyja palityčnyja sastupki", — zaznačaje palitolah Andrej Fiodaraŭ. Na jaho dumku, heta jość śviedčańniem, što zacikaŭlenaść biełaruskaj kiroŭnaj viarchoŭki ŭ naładžvańni stasunkaŭ z Eŭropaj nia tolki isnuje, ale i narastaje.
I adnym z čyńnikaŭ moža być uzmacnieńnie cisku z boku Rasiei. "Naŭrad ci inkarparacyja staić pieršym punktam na paradku dnia ŭ Kramli, ale toje, što pytańnie kanstytucyjnaha aktu musujecca, niesumnienna", — ličyć ekspert. Ź jahonych słoŭ, pra heta ŭskosna śviedčać jak vykazvańni rasiejskaha ambasadara Surykava na presavaj kanferencyi 11 lutaha (maŭlaŭ, paśla vybaraŭ my da hetaha dakumentu vierniemsia), tak i zajava Łukašenki pierad studentami BDU, što Rasieja nie hatovaja da raŭnapraŭnaj intehracyi.
Nasamreč sens hetaha eŭfemizmu taki: biełaruski bok nia zhodny na pahłynańnie. Dziela taho jon i ładzić, jak trapna vykazaŭsia analityk Valer Karbalevič, "seans adnačasnaj hulni". Chaj sabie aficyjny Miensk, jak toj hrasmajstar Bender, i nie vyznačajecca raznastajnaściu chadoŭ, ale ž i Maskva, i Brusel znoŭ dy znoŭ musiać schilacca nad doškaj dy praličvać varyjanty. Lozunhi lozunhami, a ŭ kožnaha z bakoŭ da Biełarusi (tut Łukašenka maje racyju) jość i pryziemleny, prahmatyčny intares. Tak što seans praciahvajecca.
Ciapier čytajuć
Represii razhaniajucca ci zapavolvajucca? Davajcie ličyć6
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Kamientary