Kałona rasijskich i biełaruskich bajkieraŭ u druhoj pałovie dnia 26 krasavika prybyła da Kurhana Słavy ŭ miežach motaprabiehu «Darohi Pieramohi». Na miescy ich sustreli jašče prykładna 30 biełaruskich matacyklistaŭ.
Potym jany skirujucca ŭ Chatyń.
U siaredzinie krasavika členy rasijskaha bajkierskaha kłuba «Načnyja vaŭki», ź jakimi siabruje prezident RF Uładzimir Pucin, abjavili ab praviadzieńni z 25 krasavika pa 9 maja motaprabiehu ŭ honar 70-hodździa pieramohi nad fašyzmam z Maskvy ŭ Bierlin cieraź Minsk, Brest, Vrocłaŭ, Brno, Bracisłavu, Vienu, Prahu, Miunchien i inšyja jeŭrapiejskija harady. Alaksandr Załdastanaŭ (mianuška Chirurh) źjaŭlajecca inicyjataram ruchu «Antymajdan» i ŭvachodzić u lik hramadzian RF, jakija trapili ŭ śpis nieŭjaznych u krainy ES.
Płany rasijskich bajkieraŭ vyklikali niehatyŭnuju reakcyju ŭ krainach, jakija jany majuć namier naviedać u miežach akcyi.
24 krasavika MZS Polščy pieradało ŭ pasolstva Rasii ŭ Varšavie notu, u jakoj admoviła hrupie rasijskich matacyklistaŭ va ŭjeździe na polskuju terytoryju, paviedamlaje internet-vydańnie.
U Biełaruś kałona rasijskich bajkieraŭ prybyła viečaram 25 krasavika. U ich płanach — naviedvańnie Kurhana Słavy, Chatyni i Bresckaj krepaści.
Jak paviedamiŭ 24 krasavika kiraŭnik minskaha adździaleńnia «Načnych vaŭkoŭ» Alaksiej Vakulčyk, biełaruskija bajkiery sustrenuć rasijan na biełaruska-rasijskaj miažy i supravodziać ich da miažy ź ES.
26 krasavika pastupili paviedamleńni, što častka bajkieraŭ, u tym liku z «Načnych vaŭkoŭ», bieśpieraškodna trapiła na terytoryju Polščy i ŭžo pabyvała na mohiłkach savieckich sałdat u Branieva.
Ciapier čytajuć
«Ja dumaŭ, mianie nie moža ničoha ździvić». Na fudkorcie ŭ minskim HC zrabili płatnyja stały3
Kamientary