26 (26). Dźmitryj Łukašenka
Staršynia prezidenckaha spartyŭnaha kłuba.
Palityčnuju budučyniu Dźmitryju nie prahnazuje, zdajecca, nichto. Ale kožny čałaviek, jaki maje kantakt z Alaksandram Łukašenkam, ličycca ŭ Biełarusi ŭpłyvovym. Cikavymi vyhladajuć i pośpiechi prezidenckaha spartyŭnaha kłuba. Jahonyja partniory — «Biełaruśkalij», «Trajpł», Velcom i inšyja prybytkovyja kampanii. Ale i samo «niekamiercyjnaje dziaržaŭna-hramadskaje abjadnańnie» zajmajecca biznesam.
Prezidencki spartyŭny kłub pradaje za miažu BiełAZy (kožny kaštuje bolš za $400 tysiač) i navat źjaŭlajecca suŭłaśnikam rasijskaj kampanii pa servisnym absłuhoŭvańni samazvałaŭ. U napaŭzamarožanym stanie zastajucca budaŭničyja prajekty, a voś łatarejny biznes daviałosia sastupić Maksimu Mirnamu.
Jakuju rolu ŭ prajekcie adyhryvaje kiraŭničy talent samoha Dźmitryja? Rytaryčnaje pytańnie.
Pazityŭnaści jahonamu niakidkamu vobrazu dadajuć, adnak, adkrytaja dla ludziej žonka i dočki-razumnicy.
Cytata
«Niazdolnych dziaciej nie byvaje. Prosta nie ŭsie siabie znachodziać».
Śniežań 2014
Abjektyŭka
Naradziŭsia ŭ 1980. Vyras pad Škłovam. Skončyŭ fakultet mižnarodnych adnosin BDU, abaraniŭšy dypłom pa temie «Vystupy biełaruskich spartoŭcaŭ na mižnarodnaj arenie». Kiraŭnik prezidenckaha spartovaha kłuba. Žanaty, maje troch dziaciej.
* * *
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary