Vatykan hatovy pryniać ź vizitam Alaksandra Łukašenku, zajaviŭ žurnalistam 14 sakavika ŭ Minsku dziaržsakratar Vatykana, kardynał Pjetra Paralin.
BiełTA
Pavodle jaho słoŭ, padčas sustreč z pradstaŭnikami dziaržaŭnych orhanaŭ Biełarusi mahčymaść vizitu Łukašenki ŭ Vatykan abmiarkoŭvałasia. «Z boku Śviatoha trona jość usia hatoŭnaść dla takoha vizitu. Čakajecca tolki rašeńnie biełaruskaha kiraŭnictva ab zapytvańni sustrečy, udakładnieńnia dat vizitu», — skazaŭ kardynał Paralin na pres-kanfierencyi.
Dziaržsakratar papy Franciška rastłumačyŭ, što pavodle pratakołu Śviatoha Prastołu «palityčnym lidaram nie nakiroŭvajucca zaprašeńni dla praviadzieńnia sustreč z Papam». «Takija sustrečy zapytvajucca samimi zacikaŭlenymi, ale heta nie vyklučaje zacikaŭlenaści bakoŭ u takich sustrečach», — zaznačyŭ jon.
Kardynał Paralin znachodzicca ŭ Biełarusi z 12 pa 15 sakavika z aficyjnym vizitam pa zaprašeńni biełaruskich uład. U paviedamleńni apostalskaj nuncyjatury ab vizicie kardynała Paralina zaznačajecca, što takim čynam papa Rymski Francišak «žadaje vykazać svaju hłybokuju pavahu biełaruskamu narodu i praz svajho najbližejšaha supracoŭnika sustrecca z katolikami Biełarusi ŭ malitvie i adzinstvie sercaŭ».
Heta druhi taki vizit pradstaŭnika Vatykana ŭ historyi sučasnaj Biełarusi paśla 2008 hoda, kali krainu naviedaŭ dziaržsakratar Śviatoha trona kardynał Tarčyzia Biertonie.
Alaksandr Łukašenka z małodšym synam Mikałajem naviedvaŭ Vatykan u krasaviku 2009 hoda i byŭ pryniaty papam Bieniedyktam XVI.
Da i paśla hetaha vizitu biełaruski kiraŭnik adpraŭlaŭ kiraŭniku Rymska-katalickaj carkvy zaprašeńni naviedać Biełaruś «u zručny dla jaho čas».
Łukašenka taksama raniej vystupiŭ ź inicyjatyvaj praviadzieńnia sustrečy ŭ Biełarusi kiraŭnikoŭ pravasłaŭnaj i katalickaj cerkvaŭ.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary