Bił Hiejts vypiŭ zdabytuju z ekskremientaŭ vadu
Zasnavalnik Microsoft i samy bahaty čałaviek śvietu Bił Hiejts prademanstravaŭ biaśpieku ačyščalnaj ustanoŭki Omniprocessor, što vyrablaje vadu i elektryčnaść z čałaviečych ekskremientaŭ.
Na videa dyrektar kampanii-raspracoŭščyka Omniprocessor tłumačyć pryncyp dziejańnia mašyny: jana zdabyvaje syravinu z kanalizacyi, nahravaje, padzialaje na vadzianuju paru i suchija adkidy. Para asadžajecca ŭ pitnuju vadu, a suchija adkidy vykarystoŭvajucca jak paliva ŭ ruchaviku elektrahienieratara.
Pa słovach Biła Hiejtsa, jon z asałodaj piŭ by takuju vadu štodzień.
Omniprocessor raspracavany kampanijaj Janicki Bioenergy pry finansavańni «Fondu Biła i Mielindy Hiejts». Adzinaja ŭstanoŭka (pamieram z dva aŭtobusy) zaraz dziejničaje blizu Sietła, ZŠA, i pierapracoŭvaje da 14 ton adkidaŭ na dzień. Druhuju płanujecca ŭstalavać u Sieniehale da kanca hoda. Nastupnaje pakaleńnie Omniprocessor zmoža vyrablać 250 kVt enierhii i 86 ton čystaj vady na dzień, prymajučy adkidy 100 tysiač čałaviek.
Sučasnyja mašyny pa ačystcy vady patrabujuć vializnych hrašovych vydatkaŭ i sami pakidajuć ćviordyja adkidy. Omniprocessor ža moža zarablać hrošy, a adziny jaho adkid – vadzianaja para.
Mašyna moža vyrašyć prablemu niedachopu pitnoj vady ŭ mnohich rehijonach śvietu – kala 40% ludziej na Ziamli nie majuć dostupu da adekvatnaj kanalizacyjnaj sistemy, štohod ad zaražeńnia ježy i vady pamiraje blizu 1,5 młn dziaciej.
Ciapier čytajuć
Biełarus nabyŭ kvateru ŭ Ispanii, ale jaje zaniali akupasy. Ciapier jon nie moža jaje viarnuć23
Kamientary