Hledačy vybrali Muzzart, ale ad Biełarusi na Jeŭrabačańnie pajeduć Uzari i Maimuna
Pieramožcy na 10 bałaŭ apiaredzili Nastaśsiu Małaškievič, jakaja zaniała druhoje miesca. Hiuneš stała treciaj. «Miłki» Alaksandra Rybaka — tolki čaćviortyja. Voś pieśnia Juzary:
Usiaho ŭ nacyjanalnym finale brali ŭdzieł 15 vykanaŭcaŭ: Napoli, Dzianis Lis, Daryja, Hiuneš, Jania Buckievič i hurt Muzzart, Valeryja Sadoŭskaja, Rostany, Žaniet, Alaksiej Hros, hrupa Miłki, Uzari & Maimuna, hurt «Bieatrys», Vital Varanko, Nastaśsia Małaškievič i Tasha ODI.
Sioleta pradstaŭnika Biełarusi vybirali pa novaj schiemie: 7 hałasoŭ ad žury i tolki 1 ad hledačoŭ, jakija hałasavali z dapamohaj sms-paviedamleńniaŭ i telefanavańniaŭ. Heta zvodzić upłyŭ hledačoŭ na vynik amal da nula.
Spačatku arhanizatary ahučyli vyniki narodnaha hałasavańnia, zhodna ź jakim vykanaŭcam rasstavili bały ad 3 da 12. U vyniku na pieršaje miesca vyjšaŭ brescki hurt Muzzart, na druhoje — Miłki, treciaje — Uzari & Maimuna. Voś pieśnia Muzzart:
1. Muzzart
2. Miłki
3. Uzari & Maimuna
4. Napoli
5. Bieatrys
6. Alaksiej Hros
7. Anastasija Małaškievič
8. Gunesh
9. Dzianis Lis
10. Tasha ODI
11. Valeryja Sadoŭskaja
12. Žaniet
13. Daryja
14. Rostany
15. Vital Varanko
Dalej 7 siabraŭ žury, imiony jakich byli ahučanyja tolki pierad pačatkam finału, vystaŭlali vykanaŭcam svaje 10 acenak.
U vyniku Uzari & Maimuna, nabraŭšy 76 bałaŭ, zaniali pieršaje miesca. Troje siabraŭ žury pastavili budučym pieramožcam najvyšejšuju adznaku, adzin acaniŭ vystup dueta na 10, dvoje — na 8, jašče adzin — na 6 bałaŭ.
Vynikovaje hałasavańnie vyhladaje nastupnym čynam:
1. Uzari & Maimuna — 76
2. Anastasija Małaškievič — 66
3. Gunesh — 62
4. Miłki — 47
5. Alaksiej Hros — 45
6. Napoli — 36
7. Muzzart — 30
8. Valeryja Sadoŭskaja — 28
9. Dzianis Lis — 19
10. Bieatrys — 16
11. Daryja — 14
12. Tasha ODI — 10
13. Rostany — 9
14. Žaniet — 5
15. Vital Varanko — 1
Adznačym, što Uzari užo braŭ udzieł u adboračnych turach. Ale dalej finału raniej prajści nie atrymlivałasia.
Finał Jeŭrabačańnia-2015 projdzie 23 traŭnia ŭ Vienie. Paŭfinały adbuducca 19 i 21 traŭnia.
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha16
Kamientary