U Litvie žycharam pryjšło apaviaščeńnie pra mahčymuju pavietranuju tryvohu. «Zachoŭvajcie spakoj, čakajcie paviedamleńniaŭ»
Armija Litvy: Kala miažy zaŭvažyli mierkavany dron, aktyvavanaja misija pavietranaj palicyi NATA.
U paviedamleńni ekstrannaha apaviaščeńnia, atrymanym žycharami Vilni, havorycca:
«Uzrovień tryvohi — 2.
Uzbrojenyja siły Litvy paviedamlajuć:
«IMAVIERNAJA NIEBIAŚPIEKA Z PAVIETRA. Zachoŭvajcie spakoj, vyznačcie biaśpiečnaje miesca. Kali zaŭvažycie padazrony abjekt, jaki lacić abo ŭpaŭ, — telefanujcie 112, nie nabližajciesia da jaho. Pra zakančeńnie niebiaśpieki paviedamim asobnym apaviaščeńniem».
Źniščalniki NATA padnialisia ŭ pavietra praz drony kala miežaŭ Litvy.
Litoŭskaja armija ranicaj u sieradu paviedamiła, što niepadalok ad miažy Litvy, mierkavana, byŭ zaŭvažany dron, u suviazi z čym była aktyvavana misija pavietranaj palicyi NATA, piša LRT.
«Paviedamlajem, što pryčynaj rassyłki papiaredžańniaŭ nasielnictvu stała zafiksavanaja radyjołakacyjnaja adznaka z prykmietami, charakternymi dla bieśpiłotnych latalnych aparataŭ. Aktyŭnaść nazirajecca pablizu miažy Litvy — kala Ihnalinskaha, Ucianskaha, Jeziaroskaha i Śviancianskaha rajonaŭ. Aktyvavanaja misija pavietranaj palicyi NATA», — havorycca ŭ paviedamleńni Litoŭskaj armii.
10:25
U Vilni pavietranaja tryvoha, ludziej prosiać spuścicca ŭ bližejšyja biaśpiečnyja miescy.
Kamientary