Časopis Forbes skłaŭ rejtynh samych upłyvovych ludziej płaniety. Jon apublikavany na sajcie vydańnia. Rasijski prezident druhi hod zapar zajmaje pieršy radok u hetym śpisie.
Top-5 samych upłyvovych sioleta nie źmianiŭsia. Na druhim miescy — Barak Abama, na trecim — Si Czińpin, čaćviorty radok rejtynhu zaniaty Papam Franciškam, a na piataj raźmiaściłasia «karaleva Jeŭrasajuza» kancler Hiermanii Anhieła Mierkiel. Jana ž, pa fakcie, zastajecca samaj upłyvovaj žančynaj u śviecie.
Sioleta ŭ rejtynhu, jaki składajecca z 72 čałaviek (pa adnym na kožnyja 100 miljonaŭ), znachodziacca 17 kiraŭnikoŭ dziaržaŭ, čyj sukupny VUP składaje kala 48 trłn dalaraŭ.
Akramia taho, u rejtynhu 39 kiraŭnikoŭ bujnych karparacyj i 29 miljarderaŭ, čyja sumarnaja majomaść aceńvajecca ŭ 790 młn dalaraŭ.
Varta adznačyć, što ŭ hetym hodzie ŭ koła samych upłyvovych ludziej płaniety viarnuŭsia kiraŭnik «Hazproma» Alaksiej Miler. Jon staŭ adnym ź niešmatlikich ludziej ź bližejšaha akružeńnia rasijskaha prezidenta, chto nie patrapiŭ pad sankcyi.
Rejtynh Forbes składajecca pry dapamozie hałasavańnia redaktaraŭ vydańnia.
Jany aceńvajuć takija paramietry, jak finansavyja resursy, šyratu ŭładnych paŭnamoctvaŭ i ich vykarystańnie, a taksama kolkaść ludziej, na jakija jany akazvajuć ŭpłyŭ.
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»11
Kamientary