Rasijskamu biudžetu moža spatrebicca 500 miljardaŭ rubloŭ (12,4 młrd dalaraŭ pa siońniašnim kursie) z Reziervovaha fondu pry zachavańni ŭ 2015 hodzie vałacilnaści kursu rubla i cenaŭ na naftu, zajaviŭ ministr finansaŭ Rasii Anton Siłuanaŭ.
«Kali biahučaja cana na naftu ŭ 87 dalaraŭ za barel zachavajecca na 2015 hod pry košcie rubla da dalara ŭ 40 rubloŭ za dalar… to my vymušany budziem źviartacca da reziervovaha fonda», — zajaviŭ Siłuanaŭ na pasiadžeńni biudžetnaha kamiteta Dziarždumy.
Ministr paprasiŭ deputataŭ praduhledzieć u zakanadaŭstvie mahčymaść pryciahnieńnia hrošaj z Reziervovaha fondu.
U svaju čarhu, kiraŭnik Centrabanka Rasii Elvira Nabiŭlina zajaviła ŭ Dziarždumie, što bank raspracoŭvaje «stresavy» scenar raźvićcia situacyi ŭ ekanomicy, jaki praduhledžvaje źnižeńnie cenaŭ na naftu da 60 dalaraŭ za barel.
Tym časam, kaciroŭki nafty marki Brent i WTI padajuć u paniadziełak na fonie navin ab źnižeńni Irakam koštaŭ na naftu.
Listapadaŭskija fjučersy na naftu Brent na łondanskaj biržy pa stanie na 04:55 pa Hrynvičy źnizilisia na 1,23 dalara da 88,98 dalaraŭ za barel. Z pačatku 2014 Brent patańnieła amal na 20%.
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj2
Kamientary