Navukoŭcy ažyćciavili kvantavuju telepartacyju na 25 kiłamietraŭ
Fiziki telepartavali kvantavy stan fatona na adlehłaść 25 kiłamietraŭ. Vyniki svaich daśledavańniaŭ aŭtary apublikavali ŭ časopisie Nature Photonics, a koratka ź imi možna aznajomicca na sajcie AlphaGalileo.
U svaim ekśpierymiencie navukoŭcy raźnieśli dva zabłytanyja fatony na adlehłaść u 25 kiłamietraŭ pa aptyčnym vałaknie. Adna z čaścic (druhaja) apynułasia pry hetym u kryštali.
Dalej fiziki źmianili kvantavy stan pieršaha fatona z dapamohaj uździejańnia na jaho trecim. U vyniku stan druhoj čaścicy (jakaja znachodziłasia ŭ kryštali) źmianiŭsia.
Takim čynam navukoŭcy nazirali prajavu kvantavaj niełakalnaj karelacyi: choć fatony byli raźniesienyja na adlehłaść 25 kiłamietraŭ, źmianieńnie stanu adnaho ź ich adbiłasia na inšym.
Daśledčyki palepšyli svajo papiaredniaje dasiahnieńnie dziesiacihadovaj daŭniny, kali na adlehłaść šaści kiłamietraŭ telepartavali stan fatona.
Telepartacyja pa optavałaknie ažyćciaŭlajecca ciažej, čym pa pavietry. Heta źviazana z uzajemadziejańniem fatonaŭ sa škłom, u chodzie jakoha jany hublajuć značnuju častku pieršapačatkovaj infarmacyi. U chodzie raboty navukoŭcy adznačyli vysokuju dakładnaść svaich vymiareńniaŭ. Pa ich słovach, heta moža pryvieści da prahresu ŭ vykarystańni zabłytanych fatonaŭ u kvantavaj kryptahrafii.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary