Terarysty praciahvajuć atakavać ŭ Danieckaj vobłaści. Było zaŭvažana pierasoŭvańnie tankaŭ
Minułaj nočču terarysty atakavali błokpost siłavikoŭ pad Kramatorskam, pazicyi na hary Karačun pad Słavianskam i vajskovuju častku ŭ Arciomaŭsku.
Zahinuli 4 ŭkrainskija vajskoŭcy, 6 paranienych,
paviedamlaje arhanizatar hrupy «Infarmacyjny supraciŭ» Dźmitryj Tymčuk u Facebook.
Pavodle Tymčuka, za apošnija try hadziny terarysty ździejśnili šerah napadaŭ na pazicyi sił ATA.
U pryvatnaści, bajeviki abstralali z aŭtamatyčnych hranatamiotaŭ AHS-17 i hranatamiotaŭ RPH błokpost № 3 pad Słavianskam. Strat siarod siłavikoŭ niama.
Akramia taho, z 16.45 na praciahu paŭtara hadzin terarysty abstrelvali błokpost sił ATA na skryžavańni daroh na Słaviansk i Čyrvony Liman. Abstreł vioŭsia ź minamiotaŭ. Paranienyja 2 vajennasłužačyja, paviedamiŭ Tymčuk.
Taksama desantniki ŭstupili ŭ ahniavoj kantakt z bajevikami blizu pakinutaha raniej błok-pasta № 1. Błok-post viarnuŭsia pad kantrol sił ATA.
Papodlei Tymčuka, zaraz viadziecca abstreł terarystami apornaha punkta sił ATA kala siała Tarany (Danieckaja vobłaść, Šachciorski rajon).
«27 červienia bajeviki pačali aktyŭnyja dziejańni ŭ rajonie nasielenaha punkta Siamionaŭka Danieckaj vobłaści.
Pablizu apornaha punkta padraździaleńniaŭ sił ATA było zaŭvažana pierasoŭvańnie tankaŭ i žyvoj siły bajevikoŭ»,
zajaviŭ śpikier infarmacyjnaha centra SNBA Ukrainy Andrej Łysienka.
Akramia taho, apoŭdni ŭ rajonie Krasnapartyzanska (Łuhanskaja vobł.) adbyŭsia minamiotny abstreł apornaha punkta. Strat siarod vajskoŭcaŭ Uzbrojenych sił niama, skazaŭ Łysienka.
Raniej prezident Ukrainy Piotr Parašenka zajaviŭ, što jašče nie pryniaŭ rašeńnia ab tym, ci praciahvać režym spynieńnia ahniu na Danbasie.
Ciapier čytajuć
U minskim zaaparku praviaduć fiestyval ahniu. Kažuć, što žyvioły buduć u pamiaškańniach, tamu ŭsio narmalna1
Kamientary