Usich ich trymajuć u milicyi. Milicejskaje kiraŭnictva patrabuje nazvać arhanizataraŭ akcyi.
Milicyjanty zatrymali spačatku 14 školnikaŭ, a potym jašče 10 kala centralnaj płoščy Mazyra – płoščy Lenina. U zatrymanych znajšli raściažku: «Nie – skasavańniu lhotaŭ!».
Usich trymajuć u aktavaj zali budynku milicyi. Školnikaŭ fatahrafujuć i biaruć u ich adbitki palcaŭ. Milicyjanty składajuć na zatrymanych pratakoły za ŭdzieł u niesankcyjanavanaj vuličnaj akcyi. Pry hetym, u parušeńnie dziejnaha zakanadaŭstva, da niepaŭnaletnich nie vyklikajuć baćkoŭ.
Miascovy pravaabaronca Siarhiej Łapuška paviedamiŭ «Svabodzie», što jaho nie dapuścili u pamiaškańnie, dzie znachodziacca zatrymanyja, niahledziačy na ich prośby. Viadoma, što ŭ milicyju vyklikali dyrektaraŭ škoł, vučni jakich namahalisia ładzić vuličnuju akcyju.
Pavodle normaŭ zakanadaŭstva, milicyjanty musili adpuścić zatrymanych pad padpisku baćkoŭ praz hadzinu ad momantu zatrymańnia, bo jany źjaŭlajucca niepaŭnaletnimi. Ale ŭsich trymajuć u milicyi. Milicejskaje kiraŭnictva patrabuje nazvać arhanizataraŭ akcyi padletkaŭ.
Kamientary