Słavacki chakiejny trenier Lubamir Pokavič praciahnie kiravać minskim «Dynama» ŭ siezonie-2014/2015. Novy kantrakt z Pokavičam, jakomu 28 krasavika spaŭniajecca 54 hady, padpisany ŭ aŭtorak, paviedamiła pres-słužba kłuba.
Pasadu staršaha treniera zaniaŭ viadomy ŭ minułym chakieist Andrej Kavaloŭ. U štab Pokaviča ŭvajšli taksama Uładzimir Kopać (aŭtar pieramožnaj šajby ŭ varoty šviedaŭ u čverćfinale alimpijskaha turniru 2002 hoda ŭ Sołt-Lejk-Sici), Alaksiej Ščabłanaŭ i Alaksandr Makrycki.
Pokavič uznačaliŭ «Dynama» 24 listapada minułaha hoda paśla adstaŭki Alaksandra Andryjeŭskaha. Pa vynikach rehularnaha čempijanatu kamanda zaniała apošniaje miesca ŭ Zachodniaj kanfierencyi, a ŭ suciašalnym turniry «Kubak nadziei» dajšła da finału.
Raniej kantrakt z «Dynama» da krasavika 2016 hoda pradoŭžyŭ jaho kapitan Alaksiej Kalužny.
Kamientary