Žurnalistu Iharu Bancaru dali 10 sutak za brydkasłoŭje. Staršyniu Sajuzu palakaŭ Anžalicy Borys aštrafavali na 465 tys. rubloŭ.
16:35 Babulki sustreli Anžaliku Borys, jakaja vyjšła z budynka sudu, śpiavańniem "100 lat" i relihijnych himnaŭ. «Ja była hatovaja adsiedzieć 10 sutak», zajaviła staršynia Sajuzu palakaŭ žurnalistam. «Lepiej by my ź Iharam Bancaram padzialili na 5 sutak», -- skazała jana. Anžalika Borys padyšła da kožnaj babulki, abniała kožnuju i padziakavała za padtrymku.
16.22 Staršyni nie pryznavanaha ŭładami Sajuzu palakaŭ Anžalicy Borys dali 460 tys. rubloŭ štrafu. Kala sudu babulki, što pryjšli padtrymać sp-niu Anžaliku, śpiavajuć relihijnyja pieśni. Jany źbirajucca la čornaha chodu, kab staršyniu SPB nia vyvieźli milicejskaj mašynaj dalej ad žurnalistaŭ.
15:40 Ihar Bancar abviaściŭ haładoŭku
15:35 Žurnalistu časopisu «Magazyn polski na emigracji»Iharu Bancaru, jakoha zatrymali taksama ŭčora, dali 10 sutak. Padstava - banalna prazaičnaja: niecenzurna łajaŭsia pry zatrymańni.
Zaraz na sudzie nad Anžalikaj Borys abvieščany pierapynak: advakat unios chadajnictva ab advodzie sudździ. Advakat taksama paviedamiŭ, što sud prachodzić nia ŭ zale, a ŭ kabinecie sudździ.
Stareńkija babulki, jakaja udzielničali ŭ imšy, pasprabavali prarvacca ŭ sud, ale milicyjanty ich nie puścili.
***
15:00. U sudzie Leninskaha rajonu Horadni ŭ hetyja chviliny adbyvajecca sud nad zatrymanaj učora staršynioj nie pryznavanaha ŭładami Sajuzu palakaŭ Biełarusi Anžalikaj Borys.
U sud nie puścili ni žurnalistaŭ, ni svajakoŭ, ni polskaha konsuła, jaki pryjechaŭ na sud.
Pierad budynkam stajać 60-70 čałaviek, ksiondz Alaksandar Šemiet, jaki letaś trymaŭ razam z parafijanami šaścidzionnuju haładoŭku, adpraŭlaje imšu. Ludzi molacca.
Samu Anžaliku Borys zaviali ŭ sud z čornaha ŭvachodu. Kali jaje vyvodzili z mašyny, amonaŭcy - 10 čałaviek - akružyli jaje łancuhom, kab žurnalisty nia zdoleli sfatahrafavać. Amonaŭcy ścierahajuć druhi vychad. Pierad fasadam dziažurać ludzi ŭ cyvilnym.
Ciapier čytajuć
U «ajci-vioscy» pad Minskam pradali asabniak za 3,6 młn dalaraŭ. Heta samy darahi dom u krainie ŭ krasaviku2
U «ajci-vioscy» pad Minskam pradali asabniak za 3,6 młn dalaraŭ. Heta samy darahi dom u krainie ŭ krasaviku
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7676
Kamientary