Pieršy kandydat na kanfiskacyju aŭto: zatrymali pieršaha «paŭtornika»
Pieršy pjany «paŭtornik» u krainie, jaki paniasie kryminalnuju adkaznaść z ulikam źmianieńniaŭ u zakanadaŭstva, byŭ zatrymany ŭnačy 26 kastryčnika ŭ Breście.
«U 3.10 nočy 26 kastryčnika inśpiektary DPS spynili Audi 90, za rulom jakoj znachodziŭsia 29-hadovy rabotnik adnoj z ustanoŭ achovy zdaroŭja, žychar Bresta. Jon byŭ pazbaŭleny pravoŭ u hetym hodzie za niećviarozaje kiravańnie, a hetym razam miedycynski ahlad pakazaŭ 1,1 pramile», — paviedamili ŭ DAI Bresta.
Aŭtamabil Audi 90, jaki naležyć kiroŭcu, źmieščany na štrafstajanku da suda. Materyjały pieradadzienyja ŭ Śledčy kamitet dla zaviadzieńnia kryminalnaj spravy pavodle art. 317 zaŭv. KK RB.
Nahadajem, kali kiroŭca zatrymany pjanym na praciahu hoda paśla taho, jak užo byŭ aformleny za «pjanku», — paniasie adkaznaść pa art. 317 zaŭv. KK RB.
Mienavita jaje sankcyja praduhledžvaje — u adpaviednaści z ustupiŭšymi 24 kastryčnika ŭ siłu źmienami — kanfiskacyju aŭtamabila, na jakim było ździejśniena heta złačynstva (pa-za zaležnaści ad taho, kamu jon naležyć, za vyklučeńniem vypadkaŭ uhonu), plus abmiežavańnie abo pazbaŭleńnie voli na termin da 2 hadoŭ sa štrafam i pazbaŭleńniem pravoŭ.
Raniej paviedamlałasia, što ŭ pieršy dzień ustupleńnia papravak u siłu (24 kastryčnika), byli zatrymanyja ŭ Biełarusi 77 pjanych kiroŭcaŭ, praŭda, usie trapilisia ŭpieršyniu.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie63
Kamientary