«U mianie nie było płanaŭ vyłučacca kandydatam u prezidenty na vybarach 2015 hoda», — paviedamiŭ sustaršynia arhkamiteta pa stvareńni partyi «Biełaruskaja chryścijanskaja demakratyja» Pavieł Sieviaryniec 20 kastryčnika žurnalistam.
Napiaredadni, nahadajem, jon vyzvaliŭsia paśla adbyvańnia trochhadovaha pakarańnia ŭ śpieckamiendatury № 7 (vioska Kuplin Pružanskaha rajona Bresckaj vobłaści).
Zaraz były palitźniavoleny znachodzicca ŭ statusie sudzimaha, na praciahu dvuch hadoŭ jamu treba budzie paviedamlać u vykanaŭča-kryminalnuju inśpiekcyju ab źmianieńniach miesca žycharstva ci pracy. «Ale heta nie previentyŭny nahlad, mianie nie buduć praviarać, dzie ja znachodžusia viečaram», — zaznačyŭ jon.
Sieviaryniec taksama paviedamiŭ, što namieśnik načalnika śpieckamiendatury na raźvitańnie paviedamiŭ jamu, što vyłučacca kandydatam ciaham bližejšych dvuch hadoŭ jon užo nie zmoža.
«Takich płanaŭ u mianie i nie było, ale ludzi Alaksandra Ryhoraviča padstrachavalisia», — skazaŭ jon.
Pavieł Sieviaryniec, jaki padčas apošnich prezidenckich vybaraŭ kiravaŭ vybarčym štabam kandydata na pasadu kiraŭnika dziaržavy ad BCHD Vitala Rymašeŭskaha, adbyvaŭ trochhadovaje pakarańnie za ŭdzieł u padziejach 19 śniežnia 2010 hoda.
Ciapier čytajuć
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie18
Kamientary