Lidar piarvičnaj arhanizacyi Biełaruskaha niezaležnaha prafsajuza (BNP) Mazyrskaha NPZ Juryj Šviec ranicaj 19 kastryčnika prypyniŭ haładoŭku, jakaja praciahvałasia piać dzion.
Pieršapačatkova akcyja pratestu była zapłanavana na try dni, ale ad kiraŭnictva zavoda nie było nijakaj reakcyi, jak i z kancerna «Biełnaftachim», tady aktyvist pradoŭžyŭ jaje da 19 kastryčnika.
Pieršyja try dni haładoŭku padtrymlivaŭ jaho kaleha Vasil Alchoŭski, ale pa stanie zdaroŭja 16 kastryčnika spyniŭ jaje. Haładoŭku Juryj Šviec abviaściŭ 14 kastryčnika ŭ znak pratestu suprać nacisku zavadskoj administracyi na aktyvistaŭ alternatyŭnaha prafsajuza.
Nahodaj stała zvalnieńnie piaci členaŭ BNP. Jon dadaŭ, što nie tolki zvalnieńni členaŭ prafsajuza vymusili jaho pajści na takuju akcyju pratestu, ale i toje, što ŭžo na praciahu piaci hadoŭ aktyvisty BNP pieraśledujucca administracyjaj.
«Mahčyma, na nastupnym tydni projduć pieramovy kiraŭnictva BNP u kancernie «Biełnaftachim». Pa vynikach pieramoŭ ja budu prymać rašeńnie — ci praciahvać haładoŭku. Zvolnienyja aktyvisty našaha prafsajuza ciapier sprabujuć adnavić svaje pravy praz sud, ale ja skieptyčna staŭlusia da našych miascovych sudoŭ, jakija z zavodskaj administracyjaj adno cełaje», — prakamientavaŭ Juryj Šviec.
Pra stan svajho zdaroŭja paśla piacidzionnaj haładoŭki jon vykazaŭsia koratka: «Ciarpima».
Staršynia Biełaruskaha kanhresa demakratyčnych prafsajuzaŭ, u skład jakoha ŭvachodzić BNP, Alaksandr Jarašuk maje namier damahčysia sustrečy z pradstaŭnikami dziaržkancerna «Biełnaftachim», kab abmierkavać situacyju na Mazyrskim NPZ.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary