15 vieraśnia (niadziela) u Biełaruskim hramadskim centry pry Carkvie sv. Jeŭfrasińni Połackaj ŭ Saŭt-Ryviery (Ńju-Džersi, ZŠA) adbudziecca prezientacyja knihi Ja. Zaprudnika «Belarusian Festivals & Exbitions in New Jersey».
Pačatak prezientacyi, a 12-j paśla słužby ŭ carkvie.
***
Kniha Ja. Zaprudnika vyjšła ŭletku na dźviuch movach. Spačatku pryvodzicca tekst na anhlijskaj movie, zatym — pa-biełarusku.
Ja.Zaprudnik apisvaje fiestyvalnuju dziejnaść u Ńju-Džersi — štacie, dzie kancentravałasia asnoŭnaja biełaruskaja dziejnaść, było šmat arhanizacyj, tryvałyja asiarodki i pravasłaŭnyja prychody. Administracyja Ńju-Džersi ŭ 1975 h. prapanavała biełarusam pravieści ŭłasny etničny fiestyval. Pieršy fiestyval ź niekalkimi tysiač udzielnikaŭ prajšoŭ 12 červienia 1976 h. u centry mastactvaŭ u Hołmdele, a pryvitalnuju telehramu dasłaŭ prezident Džerałd Ford.
Ja.Zaprudnik padrabiazna apisvaje padrychtoŭku da fiestyvalaŭ, ich prabieh, kancertnuju prahramu, drukujecca šmat fatahrafij.
Kniha vykładziena elektronnym fajłam u Internet. Spampavać jaje možna pa hetaj spasyłcy.
***
Janka Zaprudnik naradziŭsia 9 žniŭnia 1926 h. u Miry (siońnia — Karelicki rajon). Z 1944 h. na emihracyi. Skončyŭ histaryčny fakultet Luvienskaha ŭniviersiteta ŭ Bielhii (1954). 37 hadoŭ pracavaŭ žurnalistam-redaktaram-pradusaram Biełaruskaj redakcyi Radyjo Svaboda. Vykładaŭ historyi Rasii ŭ Kuins-kaledžy Ńju-Jorkskaha haradskoha ŭniviersiteta, a taksama historyju i palityku ŭ Harymanaŭskim instytucie Kałumbijskaha ŭniviersiteta. Aŭtar niekalkich knih, u tym liku «Biełaruś na histaryčnych skryžavańniach», «Biełaruski histaryčny słoŭnik», «Dvanaccatka».
Kamientary